Ponggang, Sagalahérang, Subang

Ti Wikipédia, énsiklopédia bébas
Luncat ka: pituduh, paluruh
Désa  Ponggang
Kalurahan/Désa
Nagara Bandéra Indonésia Indonésia
Propinsi Jawa Barat
Kabupatén Subang
Kacamatan Sagalahérang

Ponggang nyaéta salah sahiji désa di kacamatan Sagalahérang, Kabupatén Subang, Propinsi Jawa Barat, Indonésia.

Sajarah[édit | édit sumber]

Saur para sepuh anu sapalih parantos tilar, Ponggang téh asalna tina kecap molongpong araranggang anu hartosna pikeun ngagambarkeun hiji daerah anu jumlah bumi atanapi suhunan imahna masih patarebih atanapi carang. Nanging kiwari Ponggang téh parantos padet ku penduduk sareng parantos jlug jleg pilemburan, ti antawisna aya Cibeureum I anu katelah pasir kaler, Cibeurem II sareng Cibeureum III anu katelah Pasir kidul, Babakan Jati, Cilutung, Ponggang, Tegal Pangparang, Cigadog, Cinangka, Cibitung, Serang Panjang sareng Gardu. Di salah sawios wewengkon Ponggang, nyaéta di Cibeureum aya hiji ciri anu jadi ciri lembur, nyaéta hiji tangkal caringin anu gede anu katelahna Singapuel. éta caringin téh ayana di daerah anu luhur, upami disawang ti wewengkon Purwakarta, Burangrang atanapi Kalijati katingal jelas. Kumargi abdi salah sawios warga anu tumetep di Ponggang, anu tepat namah di Cibeureum III, janten sajarah atanapi asal muasl wewengkon anu rada jelasmah mung Cibeureum wungkul. Saur sesepuh kapungkur (kiwari tos Tilar), daerah Cibeureum téh asalna tina hiji kajadian kapungkur, nyaéta aya jalmi anu ditandasa di walungan Cilamaya (anu ngalangkungan ka Cibeureum), getihna nepika ngabeureumkeun éta walungan, nya ti wangkit harita disebat éta daerah téh Cai Beureum (Cibeureum) nepi ka ayeuna.

Profil Pamaréntahan[édit | édit sumber]

Ponggang téh kungsi nanjeur nalika diluluguan ku hiji lurah anu tegas, nyaéta ku Bp. Hanafi. nanging kiwari anjeunna parantos ngantunkeun, parantos mulih ka Jati mulang ka asal dina taun 2008

Profil Daérah[édit | édit sumber]

Wates Wilayah[édit | édit sumber]

Ponggang téh kalebet pamaréntahan Kabupatén Subang. Ari wates ti palih kaler watesna sareng Bangala (Kalijati), Cigebang sareng Talaga sari. Ti palih kidul watesna sareng Désa Cipancar, Cireundeu ogé Garokgek (Purwakarta). Ti wetan watesna sareng Cijengkol sareng Talun. Ari ti palih kulon watesna sareng Ciracas. Ponggang mangrupikeun daerah perbatesan antara Kabupatén Subang sareng Purwakarta, anu di dinyana ngalir hiji walungan nyaéta walungan Cilamaya anu mangrupikeun terusan ti Curug Cijalu (Cipancar).

Géografis[édit | édit sumber]

Démografi[édit | édit sumber]

Atikan[édit | édit sumber]

Poténsi[édit | édit sumber]

Pertanian[édit | édit sumber]

Pertanian di Désa Ponggang umumna nyaéta pasawahan, anu hasilna mangrupi pare (beas). Pasawahan anu aya di Ponggang umumna henteu ngampar rata, tapi undak-undakan, kumargi géografisna kagolong pagunungan. Nanging di sababaraha wewengkon aya ogé sawah tadah hujan anu hartosna mung sataun sakali digarapna, nyaéta pami mendak waktos ngijih (usum hujan), pami hujanna rada jarang (dadangrat) sok dipelakan ku cabe, tomat, boled (hui) atanapi suuk (kacang taneuh), nyaéta daerah Cigadog sareng Cinangka.

Pakebonan[édit | édit sumber]

Cengkéh, kopi, sawit, manggu, entéh (téh) sareng bubuahan anu sanesna mangrupikeun hasil tatanen pakebonan anu aya di Ponggang. Ampir tiap kulawargi anu aya di Ponggang ngagaduhan kebon cengkeh, boh kebon husus atanapi papaes di payuneun pakarangan bumi masing-masing. Dupi kebon sawit mah diolahna ku Perkebuan Nusantara VIII, anu ayana di sabudeureun Cibeureum, Tegal Pangparang, Cibitung sareng Serang Panjang.

Tumbu Luar[édit | édit sumber]



Gnome-home.svg