Rétinol

Rétinol

Wasta
Wasta IUPAC (2E,4E,6E,8E)-3,7-dimetil-9-(2,6,6-trimetilsikloheks-1-enil)nona-2,4,6,8-tetraen-1-ol
Pananda
Nomer CAS	68-26-8 N
Modél 3D (JSmol)	Gambar interaktif
PubChem CID	1071
SMILES CC1=C(C(CCC1)(C)C)/C=C/C(=C/C=C/C(=C/CO)/C)/C
Sipat
Rumus kimia	C20H30O
Massa molar	286459 g·mol−1
Iwal disebutkeun séjén, data nu dipidangkeun keur matéri dina kaayaan baku (dina 25 °C, 100 kPa).
Rujukan kotak info

Rétinol, kasohor ogé minangka vitamin A1, nyaéta mangrupa vitamin dina kulawarga vitamin A anu kapanggih dina kadaharan jeung digunakeun salaku suplemen dahareun. Rétinol sarta wangun séjénna tina vitamin A diperlukeun pikeun paningali, kamekaran sél, ngarumat kulit, jeung sistem selaput lendir, sistem imun, sarta kamekaran réproduksi. Rétinol bisa kapanggih dina kadaharan, upamana lauk, produksi susu, atawa daging. Rétinol dina dosis anu normal bisa ngadatangkeun rupa-rupa mangpaat, tapi upama digunakeun sacara kaleuleuwihi, bisa nimbulkeun rupa-rupa épék samping, upamana kulit jadi garing, pembengkakan hati, jeung hipervitaminosis.

Kauntungan Rétinol Pikeun Pameunteu

Ngahambat tanda-tanda kolot

Kulit téh ngabutuhkeun kolagén sangkan tetep kenyal, jeung padet. Hanjakal, nalika umur nambahan, produksi kolagén bakal beuki ngurangan. Dina ieu hal, rétinol miboga pungsi pikeun ngaronjatkeun produksi kolagén, ku kituna rétinol téh bisa ngahambat timbulna tanda-tanda kolot.  

Sajaba ti éta, retinol ogé mantuan ngajaga kulit tina cahaya panonpoé anu kaleuleuwihi, ku kituna dipercaya bisa nyamarkeun plék hideung dina beungeut alatan kolot, sarta ngurangan actinic keratosis, nyaéta bintik kulit anu bisa jadi nyababkeun kangker.  

Ngubaran Éwateun 

Mangpaat rétinol satuluyna nyaéta bisa ngabantu ngungkulan éwateun ti mimiti nu hampang nepi ka nu parna. Bahan aktip ieu sanggup meresihan minyak, késang, sésa mék'ap, jeung kotoran anu mindeng mepetan pori-pori, anu bisa nyababkeun timbulna éwateun.  

Lamun dipaké sacara rutin dina perawatan kulit sapopoé, rétinol bisa ngajaga pori-pori tetep bersih sarta ngontrol produksi minyak anu kaleuleuwihi, ku kituna éwateun téh bisa kacegah.

Ngurangan Hiperpigmentasi  

Kauntungan séjén tina retinol nyaéta bisa ngurangan hiperpigmentasi anu nyababkeun warna kulit teu rata. Hiperpigmentasi ieu biasana alatan cahaya panonpoé anu lila teuing atawa tapak éwateun anu hésé leungitna.

Upama kulit ngabogaan masalah sarupa kitu, ngagunakeun produk anu ngandung rétinol bisa jadi salah sahiji solusina. Rétinol bisa mantuan dina ngaganti kulit ku nu leuwih séhat sarta ngahambat produksi mélanin. Ku kituna, warna kulit bakal rata deui, kalayan urang bisa leuwih percaya diri. 

Mantuan Kulit Leuwih lembab jeung Lemes

Siklus gantina kulit sacara alami biasana merlukeun waktu 3–4 minggu, tapi nalika umur beuki kolot, prosés ieu bakal beuki lila. Akibatna, kulit leuwih karasa garing jeung kasar. Tapi ku cara ngagunakeun rétinol, bisa mantuan nyepetkeun ngagantina kulit. Ku kituna kulit katingali leuwih cerah jeung séhat. Sajaba ti éta, retinol ogé bisa ngaronjatkeun kadar cai dina kulit, nepi ka kulit karasa leuwih lemes jeung lembab.