Salvia farinacea

Salvia farinacea
Kembang Salvia farinacea di Taman Bunga Nusantara, Cianjur
Klasifikasi ilmiah
Karajaan:	Plantae
Kelas:	Tracheophytes
Ordo:	Lamiales
Kulawarga:	Lamiaceae
Génus:	Salvia
Spésiés:	Salvia farinacea
Ngaran binomial
Salvia farinacea Benth.

Salvia farinacea nu ilahar disebut mealycup sage nyaéta tutuwuhan anu asalna ti Texas jeung Méksiko. Tutuwuhan ieu mangrupa perennial nu leuleus, tumuwuh ngagrég sasarakan siga rungkun jeung biasana bisa ngahontal jangkung 45 nepi 90 cm dina tangkal persegi, jangkung, jeung bercabang. Kembangna boga dua bibir kalayan warna paul-bungur, tumuwuh dina rasémus terminal jeung ketiak daun panjangna 10–20 cm, ti usum halodo nepi ka usum gugur. Daunna ngalengkung ka handap, wangunna ovate-lanceolate, kalawan sisi bergerigi teu teratur jeung warnana héjo kaabu-abuan nepi ka panjang 7 cm. Sababaraha kultivar sayaga dina rupa-rupa warna, saperti paul, bungur, lavender, bodas, jeung dua warna kombinasi.

Asal-usul ngaran

Ngaran Salvia asalna tina basa Latén salveo, hartina "nyalametkeun" atawa "nyageurkeun", nu nunjukkeun kana mangpaat ubar nu dipercaya aya dina sababaraha spésiés tatangkalan dina genus ieu. Epithet spésifik farinacea asalna tina basa Latén ogé nu hartina tipung atawa bubuk, ngarujuk kana lapisan bodas siga bubuk nu aya dina tangkal bagian luhureun jeung kelopak kembangna (calyx). Dina ngaran umum, kecap "mealy" hartina katutupan lapisan bubuk siga tipung, sedengkeun "cup" nuduhkeun kana wangun kelopak kembang (calyx).

Mangpaat

Tutuwuhan ieu teu ngagaduhan masalah serius tina hama atawa panyakit. Tapi, tutuwuhan ieu rawan ka jamur bulu (downy mildew) jeung jamur bubuk (powdery mildew). Tutuwuhan ieu cocok pikeun dijadikeun petakan kembang, wates taman, palataran, taman gaya désa, jeung kebon potong. Salian ti éta, tutuwuhan ieu mindeng dipelak sasarengan pikeun nyiptakeun hamparan warna nu pikaresepeun.