Situ Léngkong Panjalu

Ti Wikipédia Sunda, énsiklopédi bébas
Loncat ke navigasi Loncat ke pencarian


Kawasan leweung Pulo Nusa Gedé legana kurangleuwih 16 ha nu aya di tengah situ, nyaéta Situ Léngkong Panjalu nu perenahna di Désa/Kacamatan Panjalu Kabupatén Ciamis [1] Situ Panjalu geus ditetepkeun minangka Cagar Alam (Natuurmonument) dumasar kana Surat Kaputusan Gupernur Jéndral Hindia Belanda (Besluit van den Gouvarnuer-Generaal van Nederlandsch Indie) dina ping 21 February 1919 Nomor 6 (Staatsblad No.90). 2(dua).[1] Sataun kahareupna, dina ping 16 November 1921 dimedalkeun dina surat kaputusan nu sarua nu ditetepkeun yén Pulo Nusa Gedé (Island), nu saterusna dibéré ngaran “Pulau Kooders” jeung Cagar Alamna “Cagar Alam Kooders”.[1] Situ Léngkong Panjalu mangrupa gabungan antara objék wiasata alam jeung objék wisata budaya. Di tengah situ aya Pulo Larang atawa Nusa Gedé anu di jerona aya makam Hariang Kencana, putra Hariang Borosngora, Raja Panjalu nu nyieun situ Léngkong nalika jadi raja.[2] Pikeun ngahormat ka karuhun Panjalu nepi ka ayeuna sok diayakeun sajenis upacara adat nu disebut nyangku sarta dilaksanakeunna tiap-tiap bulan Mulud ku cara méré sihan benda-benda pusaka nu disimpen di Bumi Alit.[2] Kagiatan wisata di Situ Lékong Panjalu nyaéta bisa ngurilingan pulo naék parahu sarta ieu objék wisata téh kurangleuwih 41 km ti kota Ciamis.[2]

Flora jeung Fauna[édit | édit sumber]

Kaayaan Vegetasi di Cagar Alam cukup miboga ragam nu loba, sabagian gedé mangrupa leuweung primer nu masih kajaga conto di antaranya: Kihaji (Dysaxilum), Kondang (Ficus Variegata), Huru (Litséa sp), Kiara (Ficus sp), Kileho (Sauraula sp), Bungur (Lagerstromia sp), sedangkan tumbuhan bawah di antaranya : Rotan (Calamus sp), Tepus (Zingi beracéae) dan Langkap (Arenga sp).[1] Sato nu liar jeung loba kénéh nyaéta : Kalong (Pteropus Vampyrus), Bayawak (Varanus Salvator) jeung bisa kapanggih ogé sababaraha jenis manuk saperti buek(Otus scops), Heulang (Haliastur Indus), Manuk Hurang (Halcion chlors) jeung Walik (Treron Griccipilla).[1]

Sumber[édit | édit sumber]

  1. a b c d e http://budparciamis.com/?p=50 (id)(diakses ping 20,21 Oktober 2011)
  2. a b c Tim penyusun.[s.a].Budaya dan Pariwisata.Ciamis:[Disbudpar] Halaman 12.