Tahu susu

Ti Wikipédia Sunda, énsiklopédi bébas
Loncat ke navigasi Loncat ke pencarian


Tahu susu nyaéta produk turunan tina susu jeung tahu kadelé. Sakumaha ilaharna nyieun tahu, tahu susu dijieun tina kacang kadelé nu diprosés kawas sasari. Bahan keur ngagiblegkeun tahu ogé sarua jeung nu biasa dipaké keur ngagiblegkeun tahu susu. Prinsip nyieunna, nyaéta sanggeus prosés nyieun tahu ti mimiti ngeueuman, ngulub jeung nyaring sari kadelé, saméméh tahuna ngagibleg, sari kadelé dicampurkeun heula jeung susu nu ditambahan ku bahan nu miboga sipat asam ngarah protéin nu aya dina susu (kaséin) bisa ngagibleg. Bahan asamna upamana waé cuka atawa jus lémon.

Tahu susu Lémbang[édit | édit sumber]

Tahu susu Lémbang mimiti medal taun 2008 sarta saterusna kasohor minangka salah sahiji oléh-oléh has Bandung. Ditingali tina wangunna, ieu tahu sabenerna siga sakumaha ilaharna tahu, aya anu kelirna bodas, aya ogé anu konéng. Pabeungeutanana robah jadi garing jeung rangu sanggeus digoréng, sedengkeun bagéan jerona karasa lemes.

Sarua jeung tahu lianna, ieu kadaharan dijieun tina kadelé, ngan dicampur jeung susu sapi murni. Ku kituna, lian pelem, téksturna ogé leuwih padet. Proses nyieunna dipigawe sacara tradisional sarta tanpa bahan pangawét, ku kituna dina suhu hawa kabuka, ieu kadaharan ngan tahan tepi ka 2 poé atawa maksimal saminggu mun aya dina jero kulkas.

Ngokolakeun tahu susu kawilang gampang. Tahu bisa digoréng tepi ka kelirna soklat. Sanggeus asak, tahu susu bisa disuguhkeun haneut-haneut, biasana leuwih pédo lamun didahar jeung céngék.