Tali Anjing
| Acalypha hispida | |
|---|---|
| |
| Batang tuwuhan Tali Anjing di Kebun Raya Cibodas, Cianjur. | |
| Klasifikasi ilmiah | |
| Karajaan: | |
| Kelas: | |
| Ordo: | |
| Kulawarga: | |
| Génus: | |
| Spésiés: | Acalypha hispida
|
| Ngaran binomial | |
| Melampodium divaricatum (Burm.f.)
| |
Acalypha hispida, nu leuwih dipikawanoh salaku Tali Anjing atanapi Ékor Kucing, mangrupakeun tutuwuhan hias anu remen kapanggih di buruan imah atawa dipaké minangka tutuwuhan pager. Tutuwuhan ieu mibanda kembang nu jangkung ngajuntai kawas buntut ucing kalayan warna beureum mencorong.[1]
Asalna ti Hindia Barat, tina Kapuloan Bismarck, tutuwuhan ieu geus sumebar ka sababaraha wewengkon di sakuliah dunya, di antarana Kapuloan Andaman, Bangladesh, Benin, Burundi, Kapuloan Caroline, Kapuloan Cayman, Komoro, Kapuloan Cook, Kuba, Républik Dominika, Ékuador, Guinea Khatulistiwa, Gambia, Kapuloan Gilbert, Kapuloan Teluk Guinea, Haiti, Kapuloan Leeward, Madagaskar, Kapuloan Marianas, Marquesas, Kapuloan Marshall, Kapuloan Nicobar, Puerto Rico, Kapuloan Society, Tanzania, Thailand, Trinidad-Tobago, Tuamotu, Kapuloan Tubuai, Vanuatu, jeung Kapuloan Antilles Venezuela.[2]
Tutuwuhan ieu kaasup rungkun tropis nu ngahasilkeun kembang beureum lemes berbulu, ngagantung tina kélék daun siga untaian benang atawa buntut ucing, panjangna nepi ka 45 cm. Tali Anjing bisa tumuwuh jadi rungkun badag, tapi bisa dijaga tetep leutik ku cara dipangkas sacara rutin. [2]
Kagunaan
[édit | édit sumber]Tutuwuhan ieu cocog dipelak langsung di taneuh minangka hiasan taman atawa ditanam dina pot gantung pikeun memperindah lingkungan. Salian ti dijadikeun tutuwuhan hias, Tali Anjing ogé miboga mangpaat dina pengobatan tradisional. Bagéan tutuwuhan anu biasa dipaké nyaéta kembang jeung daunna. Kandungan kimia dina tutuwuhan ieu dipercaya bisa ngabantu ngubaran sababaraha panyakit, saperti utah getih, vitiligo, tatu getihan, disentri, radang peujit, jeung cacingan.[1]
Rujukan
[édit | édit sumber]- ↑ a b "Kebun Raya | Konservasi Bogor". kebunraya.id. Diaksés tanggal 2025-03-01. Archived 2024-08-01 di Wayback Machine
- ↑ a b "Acalypha hispida Burm.f. | Plants of the World Online | Kew Science". Plants of the World Online (Dina basa Inggris). Diaksés tanggal 2025-03-01.