Tangga (grup musik)
Tangga mangrupa salah sahiji grup musik di Indonésia.[1] Anggotana aya opatan nyaéta Mohammed Kamga alias Kamga, Tahir Hadiwijoyo alias Tata, Nerra Merlin alias Nerra jeung Chevrina Anayang alias Chevrina.[1]
Albeum munggaranana kaluar dina taun 2005 kalawan judul Tangga.[1] Ieu albeum nyokot aliran musik pop nu easy listening nu di jerona diselipkeun rupa-rupa musik ti mimiti R&B, rap, nepi ka dance.[2] Kalawan singel "Terbaik Untukmu" jeung "Hebat", ngaran Tangga langsung kasohor di golongan rumaja Indonésia.[2]
Taun 2007 Tangga ngaluarkeun albeum kaduana nu dibéré judul Cinta Begini.[1] Dina albeum nu kaduana, Tangga ngawanohkeun hiji anggota anyar, Chevrina Anayang nu ngagantikeun Desty nu kaluar ahir taun 2006.[1] Sarua jeung albeumna nu kahiji, dina ieu albeum ogé teu leupas tina gawé bareng jeung Harry Budiman, produser, musisi, arranger, sakaligus vocal director nu saméméhna suksés ngagarap albeum Element jeung Denada.[2] Teu ngan saukur nyanyi, Tangga ogé ilubiung dina kaluarna lagu jeung lirik nu dibantuan ku Johandi Yahya.[2] Ngaliwatan Oxygen Entertainment, Johandi ogé milu jadi ménéjmen artis.[2]
Salian ti éta, Tangga ogé kungsi ilubiung dina prosés disiapkeunana Theme Song pikeun pilem Lost in Love bareng jeung komposer Harry Budiman.[1][2]
Albeum Ost Lost in Love nu kaluar dina taun 2008 ieu ngandelkeun lagu “Kesempatan Kedua“, “O Teganya“, jeung “Run Tita Run“.[2]
Diskografi[édit | édit sumber]
- Tangga (2005)
- Cinta Begini (2007)
- Ost. Lost in Love (2008)
Referensi[édit | édit sumber]
|
Artikel ngeunaan musik ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |