Torres de Quart

Ti Wikipédia Sunda, énsiklopédi bébas
Loncat ke navigasi Loncat ke pencarian


Sawangan jalan ka Cuart.
Vistas desde la esquina de la calle Lepanto de Valencia.
Rastros del bombardeo napoleónico de junio del 1808.
Sawangan eksterior Torres de Cuart, di jalan Quart
Detalle de la Torre este y almenas.

Torres de Cuart (basa Valencia: Torres de Quart) nyaéta salah sahiji munara kembar, nu mangrupa bagéan tina pinding jaman panengah nu ngurilingan dayeuh kolot Valencia, nu fungsina pikeun mertahankeun dayeuh. Perenahna aya di antara parapatan jalan Guillén de Castro jeung jalan Quart.

Sajarah Torres de Cuart[édit | édit sumber]

Torres de Quart diwangun ku "profésor seni kabangsawanan pedra" Francesc Baldomar katut Pere Compte dina abad ka-15, antara taun 1441 tepi ka 1460. Dina ieu proyék ogé ngalibetkeun Tomás Oller katut Jaume Pérez. Gaya munarana nyaéta gotik militér ahir, ditiron tina Torres o Arco del Triunfo atawa Castel Nuovo Nápoles, nu dirancang ku mallorquín Segrera sarta maéstro lianna nu kalibet dina Corona de Aragón nalika Nápoles karebut ku soldadu Alfonso V el Magnánimo.

Ieu témbok munara geus kungsi dipaké keur bertahan nalika Perang Kamerdikaan ti Perancis, Suksési, canton katut Perang Sipil Spanyol. Urang masih bisa ningali tapak pélor urut Perang Kamerdikaan dina témbokna, sok sanajan saliwatan mah, lolobana jalma baris nyangka yén ruksakna témbok téh alatan umur.

Dina taun 1931 ieu munara dianggep minangka monumen nasional sarta dina Undang-undang No. 16/1985 diaku minangka Warisan Sajarah Spanyol.

Torres de Quart mangrupa hiji titinggal jaman panengah nu nyésa kénéh, babarengan jeung Torres de Serranos di béh kalér. Gapura lianna di béh kidul, jeung béh wétan atawa di palabuan mah geus teu aya. éta lawang ilang dina abad ka-19 babarengan jeung ilangna témbok nu ngurilingan ciutat vella alatan nyadiakeun tempat keur pagawé nu nganggur sarta pikeun ngalegaan dayeuh.

Ti dékade ahir dina abad ka-20, béét sarta manuk éksotis lianna, nu geus teu aya nu nginguna, nyayang tur baranahan dina liang-liang dina tmbok urut témbakan mariem. Ti abad ka-21, Torres de Cuart ngadeg kénéh, sarta dina prosés réstorasi dina bagéan luarna, nyababkeun macétna jalan Quart katut jalan Guillem de Castro.

Asal ngaran[édit | édit sumber]

Torres de Cuart, dingaranan kitu téh sabab perenahna dina jalan ti puseur dayeuh, ti plaza de La Virgen nu di dinya aya Catedral de Valencia, terus ka Cuart de Poblet. Ieu munara mangrupa aksés lalu-lintas ti Castilla. Torres de Cuart disebut ogé lawang llamado atawa portal de Cuarte jeung puerta de la cal.

Struktur katut gaya[édit | édit sumber]

Torres de Quart diwangun ku témbok maké batu kapur jeung cantos keur sistim kotakna. Keur juru, pelengkung, katut wangunan layang di luhur mah maké batu ashlar. Antara dua munara aya lawang asup jeung kaluar ka dayeuh nu dilingkung ku ashlar, keur penjaga jeung pangaping kota.

Ieu munara silinder ti luar, tapi jerona mah nyiku atawa rata, béda jeung Torres de Serranos nu poligonal. Ieu munara boga bagéan bénténg di béh luhur, sarta téras ashlar. Ieu munara pertahanan sabenerna mah ukur dékorasi. Dina bagéan handapeunana boga citakan keur nembak ka taneuh kalayan tembok nu nanjeur. Bagéan luar nu silinder disina lésang ngarah hésé ditaékan.

Dina sisi nu nyaghareup ka jero dayeuh, kaingali runtuyan rohangan muka, nu katutupan ku bingkai beusi. Di tengah munara, di saluhureun lawang melengkung, katingali liang beusi keur nyerang sing saha waé nu hayang ngadobrak panto.

Susunan munara di saluhureun tembok heubeul rada doyong atawa nyerong, pikeun nyaluyukeun kana tata rohangan jalan Cuart nu henteu nyiku, tapi rada nyerong.

Gaya Torres de Quart, gotik ahir, dibalikan deui dina sababaraha kota di Itali saperti Genoa.

Tumbu kaluar[édit | édit sumber]

Wikimedia Commons logo
Wikimedia Commons mibanda média séjénna ngeunaan