Toyota Supra

Ti Wikipédia Sunda, énsiklopédi bébas
Loncat ke navigasi Loncat ke pencarian
Toyota Supra
Gambar:Toyota GR Supra.png
Informasi
ProdusenToyota
Juga disebut
  • Toyota Celica XX (Jepang; nepi 1986)
  • Toyota Celica Supra (internasional; nepi 1986)
Masa produksi
  • April 1978[1] – Agustus 2002
  • Maret 2019 – ayeuna
Perakitan
Bodi & rangka
KelasMobil sport
Bentuk kerangkaCoupé 2-pintu
Tata letakMesin hareup, penggerak roda tukang
Kronologi
PaheulaToyota 2000GT

Toyota Supra mangrupa mobil sport anu miboga kamampuan anu luhur dijieun ku Toyota Motor Corporation, Jepang ti taun 1978 dugi ka taun 2002. Mimiti na, Supra mangrupa versi méwah ti mesin 6 silinder Toyota Celica. Ti taun 1986 , Supra jadi mobil sport anu eweuh hubunganana jeung Celica.

Generasi kahiji (1978-1981)[édit | édit sumber]

Celica supra MA47

Celica XX di Jepang, atawa nu dijual minangka ngaran Celica Supra keur ekspor nyaéta Celica Liftback anu wheelbase na leuwih panjang jang ngawadahan mesin 6 silinder. Mesin anu aya nyaéta tipe M 2000 cc, 4M 2600 cc, jeung 5M 2800 cc.

Generasi Kadua (1982-1986)[édit | édit sumber]

Celica Supra 2800GT MA61

Konsepna masih sarua siga modél saacana, nyaéta modél Celica Liftback anu maké wheelbase leuwih panjang jeung mesin 6 silider, ngan kiwari Celica XX atawa Supra ogé biga bagéan hareup anu beda anu maké lampu Fully Retractable.

Mesin 6 silinder anu dipaké nyaéta 1G 2000 cc jeung 5M-GE 2800 cc. Supra diwangun ti Type L anu méwah jeung Type S (Type P di Amérika) anu Sporty. Supra Type S / Type P boga over fender, spoiler tukang, jok hareup bucket, jeung velg alloy jeung ban anu leuwih lubak.

Generasi Katilu (1986-1992)[édit | édit sumber]

Supra MA70

Ti ayeuna Supra mangrupa mobil Sport nu miboga kamampuan anu luhur, nu eweuh hubunganana jeung Celica. Wangun Body nu dipaké tetep Liftback. Teu siga Celica anu pindah ka pamuter ban hareup jeung 4WD, Supra tetep maké pamuter ban tukang.

Mesin nu dipaké nyaéta 2000 cc 1G-GEU & 1G-GTE turbo, 2500 cc 1JZ-GTE, jeung 3000 cc 7M-GE naturally aspirated jeung 7m-GTE turbo. Ngan mesin 3000 cc anu dipasang dina Supra jang pasar ekspor. Transmisi anu aya nyaéta 5 speed manual jeung 4 speed automatic. Supra seri 70 ieu mangrupa mobil sport anu miboga teknologi canggih dina jaman na contona rem ABS jeung TEMS (Toyota Electronic Modulated Suspension) nyaéta suspensi anu bisa diatur tarikanana.

Dina 1987 , supra jadi mobil resmi anu dipaké ku Toyota Téam Europe di Kajuaraan Reli Dunia atawa WRC.

Husus keur pasar Jepang, dipedalkeun Supra Turbo A di taun 1988 dina jumlah anu saeutik mung 500 unit pikeun minuhan kaperluan homologasi mobil balap touring Group A.

Generasi Kaopat (1993-2002)[édit | édit sumber]

Supra JZA80

Supra anu dibere kode JZA80 ieu jauh leuwih hebat batan modél saméméhna. Mesin nu dipaké nyaéta 2JZ-GE atawa 2JZ-GTE turbo 3000 cc. modél nu paling tereh nyaéta turbo anu maké transmisi manual 6 speed, jeung mampu maju nepi ka 270 km/jam. Supra ogé aya nu maké bagéan luhur atap targa anu bisa dibuka. Spoiler tukang nu jangkung standar dina modél turbo, atawa opsional dina modél non-turbo.

Dina 1997 dipedalkeun Supra 15th Anniversary Edition dina jumlah anu kawetas. modél taun 1998 mangrupa Supra pamungkas di Amérika Serikat, jeung produksi Supra di Jepang dihentikeun di taun 2002.

Generasi kalima (2019)[édit | édit sumber]

Toyota Supra GR (A90)

Generasi kalima ti Supra diwanohkeun di North American International Auto Show taun 2019 di Detroit, Amérika Serikat di kaping 14 januari 2019.[3][4][5][6][7][8][9] Generasi kalima Toyota Supra diwangun dina platform BMW Cluster Architecture (CLAR) sasarengan jeung BMW Z4 anyar[10]. Generasi kalima Toyota Supra ngagaduhan dua tipe mesin, mesin inline-four 2 liter BMW B48B20 (di Jepang jeung sababaraha negara di Éropa[11]) jeung 3 liter inline-six BMW B58B30. Modél mesin 2 liter boga tenaga 145-190 kW (194–255 hp; 197–258 PS) 4.500 to 6.500 rpm jeung torsi 320–400 N⋅m (236–295 lbf⋅ft) di 1.450 nepi 4.200 rpm. Mesin 3 literna boga tenaga 250–285 kW (335–382 hp; 340–387 PS) ti 5.000 nepi 6.500 rpm jeung torsi 495–500 N⋅m (365–369 lbf⋅ft) ti 1,600 nepi 4,500 rpm. Transmisi anu dipaké di mobil ieu nyaéta transmisi 8 percepatan ZF 8HP[12].

Rujukan[édit | édit sumber]

  1. Toyota Celica Parts Catalogue 1977-1981. Toyota. 
  2. McEachern, Sam (Citakan:ISO date/fr2). "Toyota Supra to be Built by Magna Steyr in Austria". AutoGuide (Canada). https://www.autoguide.com/auto-news/2018/03/toyota-supra-built-magna-steyr-austria.html. Diakses pada 22 Januari 2019 
  3. Mar 20, Sam McEachern; 2018. "Toyota Supra to be Built by Magna Steyr in Austria » AutoGuide.com News". AutoGuide.com. Diakses tanggal 2019-03-02. 
  4. CORPORATION, TOYOTA MOTOR. "Toyota Premieres New Supra at Detroit Auto Show | Toyota | Global Newsroom". Toyota Motor Corporation Official Global Website. Diakses tanggal 2019-03-02. 
  5. Supra, Toyota. "2020 Toyota Supra Debuts With 335 HP After A Decade Of Foreplay [UPDATE]". Motor1.com. Diakses tanggal 2019-03-02. 
  6. "Toyota GR Supra revealed – first global Gazoo Racing model, 340 PS 3.0L straight-six priced from RM205k". Paul Tan's Automotive News (dalam en-US). Diakses tanggal 2019-03-02. 
  7. "2020 Toyota Supra Launch Edition Is Exclusive To 1500 U.S. Buyers, Costs $55,250". Carscoops (dalam en-US). Diakses tanggal 2019-03-02. 
  8. Huffman, John Pearley. "The 2020 Toyota Supra Is a Resurrection of a Hero". Car and Driver (dalam en-US). Diakses tanggal 2019-03-02. 
  9. "2020 Toyota Supra unveiled: Japan's latest hero goes official at last | CarAdvice". CarAdvice.com. Diakses tanggal 2019-03-02. 
  10. "2019 Toyota Supra preview". WhichCar (dalam en-au). Diakses tanggal 2020-03-17. 
  11. "New entry-level Toyota GR Supra launched in Europe | Autocar". www.autocar.co.uk. Diakses tanggal 2020-03-17. 
  12. "The 2020 Toyota Supra Is Finally Here With 335 HP, Does Zero to 60 in 4.1 Seconds". Jalopnik (dalam en-us). Diakses tanggal 2020-03-17.