Trans Studio Bandung

Ti Wikipédia, énsiklopédia bébas
Jump to navigation Jump to search


Trans Studio Bandung nyaéta tempat ulin nu aya di jero rohangan, ieu tempat pang gedéna di dunya anu dikongkolakeun ku Trans Corp.[1] Trans Studio Bandung mangrupa tempat ulin nu kadua anu saméméhna aya Trans Studio Makassar anu dibangun taun 2009.[1] Wahana anu disadiakeun dibéré ngaran saluyu jeung program-program anu aya di Trans TV atawa Trans7.[1]

Gambaran Sigget[édit | édit sumber]

Trans Studio Resort Bandung nyaéta kawasan wisata anu aya di Bandung, Indonésia, perenahna di sakitar Bandung Supermal.[2] Trans Studio anu legana 4,2 hektar anu méakeun duit sakitar Rp 2 triliun.[2] Trans Studio Bandung di buka pikeun umum dina tanggal 18 Juni 2011.[2] Sabot asup ka panto asup Trans Studio ka ayaanana saperti Universal Studio di Singapur.[1] Legana Trans Studio lewih lega dibandingkeun Trans Studio Makasar.[1] Tempat ulinna kabbagi jadi tilu zona jeung 20 wahana kaulinan anu matak ngirut jeung pikareuwaseun.[1] Tilu zona anu ngawengku Studio Central, Lost City jeung Magic Corner. Zona Studio Central didésain saperti Hollywood jeung New York di éra taun 50han.[1] Di Trans Studio Bandung, aya wahana roller coaster panggancangna di dunia nyaéta Yamaha Race Coaster anu aya adegan manuver mundur, anu gancangna sakitar 120 km/jam dina waktu 3,5 detik kalayan jangkungna 50 méter.[1] Leuwih gancang dibandingkeun coaster nu aya di Universal Studio Singapur.[1] Program-program unggulan Trans TV dijadikan té sababaraha wahana, saperti Si Bolang Adventure, Avatar Adventure, Jelajah, Dunia Lain.[1] Sanggeus Bandung Trans Studio ogé bakal ngeuyeuban 20 kota di Indonésia.[1] Kaasup Jakarta anu legana 100 héktar, tuluy kota Médan, Surabaya, Palembang, jeung kota-kota laina.[1] Husus Jakarta, Trans bakal nyieun 2 theme park, nyaéta Trans jeung Theme Park versi Marvel.[1] Trans Corp geus meuli lisénsi tokoh-tokoh komik Marvel tina Marvel Entertainment.[1]

Tempat jeung Wahana Kaulinan[édit | édit sumber]

Studio Central
  • Trans City Théater
  • Yamaha Racing Coaster
  • Giant Swing
  • 4D Simulator
  • Vertigo
  • Transcar Racing
  • Bolang Adventure
  • Trans Broadcast muséum
  • Trans Science Center
  • Trans Movie Magic
The Lost City
  • Jelajah
  • Kong Climb
  • Sky Pirates
  • Amphithéater
  • Black Héart's Pirate Ship
Magic Corner
  • Negeri Raksasa
  • Dragon Raiders
  • pulo Liliput
  • Dunia Lain
  • Special Effect Action
Dahareun jeung inuman
  • The Coffee Béan & téa Léaf
  • Baskin Robbins
  • Corvette Diner
  • Studio Kuring
  • Studio Mie
  • Studio Stéak
Trans Studio Store

Tikét Asup[édit | édit sumber]

Harga tiket asup Trans Studio Bandung nyaéta:

  • Senén nepi ka Jumat : Rp. 150.000,- ( Seratus lima puluh ribu rupiah )[3]
  • Sabtu nepi ka Minggu atawa poé Libur : Rp. 200.000,- ( Dua ratus ribu rupiah )[3]

Tambahan Rp. 200.000,- ( Dua ratus ribu rupiah ) pikeun VIP Pass, lamun urang hayang langsung asup teu kudu ngantri.[3] Tikét ieu berlaku pikeun sakabéh wahana jeung euweuh watesna rék sabaraha kali naék kana wahana.[3] Tikét asup Trans Studio maké kartu Mega Cash, harga kartu nyaéta Rp. 10.000,-.[3] Kartu Mega Cash bisa dipaké pikeun transaksi disakabéh outlet di jero Trans Studio Theme Park.[3]

Catetan[édit | édit sumber]

  1. a b c d e f g h i j k l m n Trans Studio Bandung, Wahana Rekreasi Indoor Terbesar Di Dunia (Dicutat tanggal 21 November 2011)
  2. a b c Trans Studio Bandung (Dicutat tanggal 21 November 2011)
  3. a b c d e f Trans Studio Bandung The Holidays Just Got Better (ed) (Dicutat tanggal 21 November 2011)