Tugu Selamat Datang di Kota Dodol
Tugu Selamat Datang di Kota Dodol mangrupa salah sahiji monumen nu aya di Kota Garut. [1]
Sajarah
[édit | édit sumber]Kota Garut katelah ku rupa-rupa ikonna, salah sahijina nyaeta Kota Dodol. Masarakat oge leuwih resep nyebut Kota Garut jadi Kota Dodol lantaran idéntik jeung ayana monumén nu nyebutkeun "Selamat Datang di Kota Dodol" anu perenahna di Jalan Raya Otto Iskandar Dinata, Kacamatan Tarogong Kaler, Kabupatén Garut.[2]
Tugu Selamat Datang di Kota Dodol ogé bisa disebutkeun minangka tugu anyar di Kota Garut, lantaran ieu tugu diadegkeun dina taun 2019 ku Pamaréntah Daérah Garut. Sareng dina waktos éta, pangwangunan monumen ieu ngabutuhkeun waktos sakitar 1 sasih, tepatna dina bulan Méi sareng réngsé dina bulan Juni 2019. Salian ti éta, monumen ieu ogé ngagaduhan ukuran panjangna kirang langkung 2 méter sareng jangkungna kira-kira 100 cm nyanghareup ka kalér pikeun ngabagéakeun sémah anu badé nganjang ka Kota Garut.[2]
Di balik pangwangunanana, monumen ieu ngagaduhan pro sareng kontra ti masarakat satempat. Ieu kusabab istilah "Kota Dodol" dianggap boga pandangan négatip ku wisatawan anu nganggap hal éta idéntik jeung bodo. Tapi, lila-lila, réa masarakat satempat anu ngarojong kana ngadegna éta monumen, malah geus réa réspon jeung pangrojong positif ti masarakat di jero jeung luar Kota Garut. Nepi ka ayeuna Tugu Dodol masih ngadeg pageuh minangka salah sahiji monumen utama di Kota Garut anu dijadikeun spot poto anyar para wisatawan sarta jadi reueus warga Garut.[3]
Rujukan
[édit | édit sumber]- ↑ Infogarut. "Tentang Tugu Ikonik Garut : Tugu Simpang Lima". infogarut.id (Dina basa Indonesia). Diaksés tanggal 2025-02-09.
- ↑ a b Kompasiana.com. "Mengenal Monumen Tugu Dodol di Kota Garut". KOMPASIANA (Dina basa Indonesia). Diaksés tanggal 2025-02-09.
- ↑ Ghani, Hakim. "Sempat Tuai Kontroversi, Ini 4 Fakta Menarik Tugu Garut Kota Dodol". detikjabar (Dina basa Indonesia). Diaksés tanggal 2025-02-09.[tumbu nonaktif]