Vertical blanking interval

Ti Wikipédia, énsiklopédia bébas
Luncat ka: pituduh, paluruh

Vertical blanking interval (VBI), katelah ogé vertical interval atawa VBLANK, nyaéta béda wanci antara baris pangpandeurina tina hiji frame atawa field hiji raster display, tur mangrupa awal tina frame satuluyna. VBI ayana dina televisi analog, VGA, DVI jeung sinyal lianna. Salila VBI, aliran data nu datang henteu dipidangkeun dina layar. Dina cathode ray tube, beam dikosongkeun keur nyegah pidangan retrace line.

VBI asalna mah dibutuhkeun alatan ayana inersia induktif dina gulungan magnétis nu bakal ngadefleksikeun béam elektron sacara vertikal dina CRT; field magnétis, jeung posisi spotdina layar, moal bisa robah sacara instan. Keur defleksi horizontal, aya ogé pause antara baris nu patuturut, pikeun méré jalan kana béam keur balik deui ti katuhu ka kénca, nu disebut horizontal retrace atawa horizontal blanking interval. Sok sanajan parabot digital modéren henteu merlukeun wanci blanking nu lila, tetep waé kudu dirancang sangkan bisa cocog jeung standar siaran keur parabot heubeul.

Dina sistim televisi analog, vertical blanking interval bisa dipaké keur mawa data digital, sabab euweuh nu dipidangkeun dina layar salila VBI; rupa-rupa sinyal tés, kode wanci, closed captioning, teletext, indikator proteksi kopi CGMS-A, tur rupa-rupa data nu diénkode maké protokol XDS (contona content rating keur V-chip) tur data digital lianna bisa dikirimkeun salila période wanci ieu.

Pause antara pangiriman data vidéo dipaké dina grafik komputer wanci nyata keur ngajalankeun rupa-rupa oprasi dina back buffer saméméh ngopi kana front buffer, henteu ukur nyaklar dua pointer, atawa nyadiakeun hiji rujukan wanci nalika nyaklar pointer ieu aya dina kaayaan aman.

Dina sistim kaulinan vidéo, pulsa vertical blanking dipaké keur timing, sabab kajadian dina frékuénsi nu kanyahoan kalayan akurat. lolobana oprasi grafis dina konsol nu tepi ka jeung kaasup éra 16-bit bisa dijalankeun ukur nalika VBI (nu ku programmer mah ilaharna disebut VBLANK), ngabutuhkeun program-program keur ngalakukeun pamrosésan grafis nu aya dina jeroeunnana. Kabutuhan keur nyaluyukeun kode kaulinan (game) maké cara ieu nyababkeun sistim vidéo bareto kawas Atari 2600 susah diprogramna. Téhnik raster husus dina Atari 2600, Nintendo Entertainment System, jeung konsol lianna ngidinan pikeun nambahan interval ieu mangrupa sababaraha baris scanning kosong saluhureun jeung sahandapeun layar, nu bisa jadi nungtungan aréa overscan.

lolobana VCR keur konsumén maké lével hideung (blank level) nu kanyahoan dina vertical blanking pulse keur nyetél lével ngarekamna. Protéksi ngopi Macrovision ngasupkeun pulsa dina VBI, nu mana pangrekam miharep ayana hiji lével nu tetep, dina kasét pikeun ngaganggu prosés ngarékam.