Wikipedia:Sumber nu bisa dipercaya

Ti Wikipédia Sunda, énsiklopédi bébas

Artikel-artikel Wikipedia kudu maké sumber dipercaya nu geus dipublikasikeun. Kaca ieu mere pituduh kumaha ngaidentifikasi sumber-sumber eta. Kaca kawijakan nu ngadiskusikeun perluna ngagunakeun sumber nyaéta Wikipedia:Lain risét asli jeung Wikipedia:Pamastian.

Lamun Anjeun bisa méré informasi nu aya gunana pikeun Wikipedia, mangga lakukeun éta, tapi omat tanggung jawab pikeun manggihkeun sumber rujukan aya dina jalma anu nambahan bahan dina hiji artikel. Sumber kudu diwuwuhkeun sabisa-bisa; suntingan tanpa rujukan atawa diragukeun rujukanna bisa ditatanyakeun jeung dipiceun iraha baé. Kadang-kadang leuwih hadé teu boga informasi ti batan boga informasi tanpa rujukan.[1]

Sababaraha Définisi[édit sumber]

Sumber primér nyaéta dokumén atawa jalma anu méré kasaksian langsung kana hiji kaayaan atawa kajadian. Hartina, hiji sumber anu deukeut pisan jeung kajadian anu dituliskeun ku Anjeun. Istilah ieu pangmindengna ngarujuk kana hij idokumen anu dihasilkeun ku partisipan dina hiji kajadian atawa saurang panitén tina éta kajadian. Sumber nu kieu bisa mangrupa laporan resmi, surat, catetan saksi, otobiografi, atawa statistik anu dikompilasi ku pihak nu boga wewenang. Bahan sumber primér mungkin ngabutuhkeun hiji palatihan pikeun bisa dipaké kalawan merenah, utamana topik-topik sajarah. Artikel Wikipedia bisa ngagunakeun sumber primér lamun sumber-sumber éta geus dipublikasikeun ku penerbit nu dipercaya, misalna transkrip pengadilan anu dipublikasikeun ku stenografer pengadilan, jeung ngan bisa dipaké pikeun pernyataan déskriptif.

Sumber sékundér nyindekkeun hiji atawa leuwih sumber kahiji atawa kadua. Sacara umum, artikel-artikel Wikipedia kudu dumasar kana sumber sékundér nu bisa dipercaya.

Sumber térsiér biasana nyindekkeun sumber sékundér. Énsiklopédia, kaasum Wikipédia, nyaéta sumber térsiér. Artikel-artikel Wikipedia teu meunang ngutip artikel Wikipedia séjén minangka sumber, sabab Wikipedia mangrupa wiki anu bisa disunting ku saha waé nu matak teu bisa dipercaya. Sanajan kitu, Wikipedia bisa digunakeun minangka sumber primér ngeunaan WIkipedia, luyu jeung watesan di luhur. Publikasi saperti Encyclopedia Britannica, World Book, jeung Encarta diangga minangka sumber nu bisa dipercaya.

Tingkat kapercayaan sumber[édit sumber]

Dumasar sifat publikasi anu dipibanda ku sumber nu diterbitkeun, kapercayaan hiji sumber pikeun dijadikeun rujukan artikel bisa diklasifikasikeun saperti kieu:

  1. Referensi nu bisa dipercaya
    1. Jurnal ilmiah nu geus dipublikasikeun.
    2. Karya tugas ahir; skripsi, disertasi, tesis nu geus diuji ku ahli
    3. Karangan ilmiah anu geus diuji ku ahlina
    4. Buku anu diterbitkeun ku penerbit kapercaya jeung disunting ku éditor
    5. Buku anu diterbitkeun ku penerbit nu kurang kapercaya tapi geus disunting ku éditor
    6. Tulisan biasa nu boga referensi jelas jeung lengkep
    7. Majalah élmu pangaweruh/sains
    8. Tabloid élmu pangaweruh/sains
    9. Artikel anu ditulis di Internet kalawan referensi nu jelas tina sumber non-Internet
  2. Referensi anu teu disarankeun pikeun digunakeun
    1. Buku anu diterbitkeun ku penerbit nu kurang dipercaya jeung teu disunting ku éditor
    2. Artikel anu ditulis di internet kalawan referensi jelas tina sumber Internet
    3. Artikel anu ditulis jeung dicitak kalawan referensi tina Internet
    4. Koran (bagian bahasan ngeunaan biografi hiji jalma jeung catetan kajadian
    5. Majalah
    6. Sampul kaset
    7. Buku anu ditulis sorangan ku subjekna
  3. Referensi anu kudu sabisa-bisa disingkahan
    1. Majalah anu ngabahas isu populer
    2. Koran (bagian iwal ti bahasan biografi hiji jalma jeung catetan kajadian)
    3. Koran kriminalitas
    4. Tabloid gosip
  4. Referensi anu teu meunang digunakeun
    1. Artikel séjén dina Wikipedia jeung situs-situs dulurna
    2. Artikel séjén tina énsiklopedia bébas anu sistemna mirip Wikipedia (bebas disunting ku saha waé).

Sing taliti jeung ati-ati, kaasup kategori nu mana sumber anu dipaké ku Anjeun téh. Lamun bebeneran jeung motifna diragukeun kanétralanna, leuwih hadé tinggalkeun waé. Artikel anu miskin informasi jauh leuwih hadé ti batan artikel anu beurat sabeulah.

Referensi[édit sumber]

  1. Jimmy Wales, "Insist on sources", WikiEN-l, 19 Juli 2006.