Xylaria
 Xylaria sp. | |
| Klasifikasi ilmiah | |
|---|---|
| Karajaan | Fungi |
| Divisi | Ascomycota |
| Kelas | Sordariomycetes |
| Ordo | Xylariales |
| Kulawarga | Xylariaceae |
| Marga | Xylaria Hill ex Schrank (1789) |
Xylaria (ᮟᮡᮜᮛᮤᮃ) nyaéta salasahiji marga supa tina kulawarga Xylariaceae. Di Tatar Sunda, supa ieu kacida dipikawanohna ku nami supa suluh atanapi supa ramo. Nami "supa suluh" nujul kana habitatna anu sering kapendak tumuwuh dina kai atanapi tumpukan suluh anu parantos buruk sarta jemlék.
Karakteristik sarta Karagaman
[édit | édit sumber]Marga Xylaria mangrupa salah sahiji marga panggedéna dina kulawarga Xylariaceae, kalayan jumlah spésiés anu kacatat sakitar 100 jinis di sakuliah dunya.[1] Wangun buahna (stroma) unik, lénjang siga ramo atanapi gada, kalayan palebah luarna anu hideung sarta kasar nalika parantos kolot. Bagian jero (konteks) supa ieu warnana bodas sarta miboga tékstur anu teuas siga kai (woody).[2]
Poténsi sarta Aplikasi Industri
[édit | édit sumber]Salian ti peran ékologisna, supa suluh miboga poténsi biotéhnologi anu ageung. Panalungtikan némbongkeun yén marga ieu ngahasilkeun rupa-rupa énzim anu miboga kamampuh biogradasi, hususna dina ngancurkeun zat lignin dina kai.[3] Sanyawa metabolit sékundér anu dihasilkeun ku Xylaria ogé ditalungtik pikeun widang farmasi salaku bahan antioksidan sarta antimikroba.[4]
Habitat sarta Sumebarna
[édit | édit sumber]Supa ieu sumebarna kacida lega di sakuliah dunya (kosmopolit), ti mimiti daérah tropis dugi ka daérah sedeng. Salaku supa saprofit, supa suluh miboga fungsi krusial dina siklus nutrisi leuweung ku cara ngancurkeun bahan organik tina tatangkalan anu parantos paéh.[5]
Dicutat tina
[édit | édit sumber]- ↑ Kirk, P.M., et al., Ainsworth & Bisby's Dictionary of the Fungi, (via Google Books), kaca 739.
- ↑ Kandikere, R. Sridhar, et al., Advances in Macrofungi, kaca 122.
- ↑ Sridhar, K.R., Industrially Important Fungi for Sustainable Development, kaca 718.
- ↑ Arora, B., et al., Biology, Cultivation and Applications of Mushrooms, (2022).
- ↑ Rogers, J.D., The Genus Xylaria, (1986).
 |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |