Pamaké:Aam Permana S

Aam Permana S, lahir di désa Gudang Kacamatan Tanjungsari, Sumedang, 13 April 1968. Sabada jadi wartawan Koran Sunda Galura ti taun 1994 nepi ka 1998, ti awit 1999 diangkat jadi wartawan HU Pikiran Rakyat Bandung. Basa jadi wartawan HU Pikiran Rakyat, Aam kungsi mancen tugas di Ciamis, Kota Bandung (di Polda Jabar), Garut, jeung Banjar. Taun 2013, Aam ngajukeun pangsiun muda ti Pikiran Rakyat alatan hayang nyobaan jadi wartawan televisi. Sabada kaluar ti Pikiran Rakyat, Aam jadi kontributor TVRI Jabar di Tasikmalaya, Ciamis jeung Bandung Wetan. Sataun satengah jadi kontributor, ti awit Januari 2015 nepi ka ayeuna, Aam ditarik ku manajemen TVRI Jabar pikeun ngurus Program Berita Basa Sunda Kalawarta jeung jadi Staf Redaksi Jabar Dalam Berita. Sajaba ti resep kana jurnalistik, Aam resep ogé kana dunya politik sok sanajan, nepi ka ayeuna teu aktif dina partey.