Lampu néon

Ti Wikipédia Sunda, énsiklopédi bébas
(dialihkeun ti Lampu neon)
Rupa-rupa lampu néon
Starter tina lampu néon

Lampu néon nyaéta lampu listrik nu bangunna saperti songsong gedé dieusi gas néon.[1] Néon nyaéta jinis gas nu lamun kasundut ku kawat listrik ruhay sok milu hurung.[1] Sok aya lampu néon diparalat purilit dibangun aksara nepi ka kabaca, nu kitu biasa pikeun réklameu.[1]

Lolobana barang-barang anu bisa dijieun ruhay baris ruhay ngan lamun barang-barang éta panas.[2] Contona, dina lampu-lampu pijar biasa, aya filamen anu kudu dipanaskeun nepi ka suhu anu luhur sangkan bisa ngahasilkeun cahya.[2] Tapi ogé aya loba bahan anu bisa berpijar dina kelir-kelir béda tanpa jadi panas.[2] Bahan-bahan éta ngaluarkeun cahya ieu sabot sinar-sinar ultraviolet anu henteu katempo murag di luhurna.[2] Sinar-sinar anu henteu katempo ieu "ngahudangkeun" bahan-bahan éta, sarta kaluarna cahya anu dihasilkeun dingaranan "fluorescence" (pendaran).[2]

Kecap "fluorescence" (pendaran) asalna ti ngaran mineral "fluorspar", anu bisa berpendar dina kelir-kelir béda.[2] Sawatara bahan baris berpendar ngan lamun ngawangun gas, anu séjénna ngan lamun ngawangun cairan, sarta anu séjénna deui lamun ngawangun jadi padet.[2] Bahan-bahan anu pang pentingna nyaéta bubuk-bubuk kristal padet anu dingaranan "fosfor".[2]

Lumangsungna pendaran nu kahiji nyaéta sinar-sinar anu "ngahudangkeun" nu murag dina bahan berpendar kudu diserep ku bahan éta.[2] Ayeuna sinar-sinar ieu sabenerna nyaéta hiji wangun-wangun énérgi.[2] Jadi atom-atom nu tangtu di jero bahan-bahan éta narima sawaréh ti énérgi ieu sarta jadi "hudang".[2] Dina waktu anu pohara singget dina kaayaan "hudang" ieu, atom-atom éta balik ka kaayaan alamiah, saperti mimiti.[2] Salila prosés ieu, atom-atom éta ngaluarkeun énérgi tambahan anu geus diserep dina wangun cahya, dingaranan "pendaran".[2]

Lampu-lampu pendar digawé sabot saab cai raksa diasupkeun kana hiji tabung kaca panjang.[2] Saterusna arus listrik dialirkan kana tabung ieu.[2] Ieu ngahasilkeun sinar-sinar ultraviolet.[2] Dinding lampu bagian dilapisan ku "fosfor" sarta fosfor ieu nyerepan kabéh sinar ultraviolet.[2] Fosfor jadi "hudang", sakumaha tadi dijelaskeun ku kituna bisa ngaluarkeun cahya.[2]

Kalayan pendaran kira-kira opat kali cahya bodas bisa dihasilkeun minangka lampu-lampu pijar biasa.[2] Lampu-lampu pendar tahan sapuluh kali leuwih lila ti lampu-lampu pijar biasa.[2] Lampu-lampu éta ogé bisa dijieun dina sagala rupa wangun.[2] Alatan kauntungan-kauntungan ieu, lampu pendar leuwih loba dipaké di imah-imah, sakola-sakola, toko-toko sarta pabrik-pabrik.[2] jancok bandung

Rujukan[édit | édit sumber]

  1. a b c Danadibrata,R.A.2006.Kamus Basa Sunda.Bandung:Kiblat Buku Utama
  2. a b c d e f g h i j k l m n o p q r s t u v (id) Leokum, Arkady(1997) Aku Ingin Tahu Jilid 1 Jakarta:Quality Press