Alexandra Asmasoebrata
Aléxandra Asmasoebrata anu ngaran lengkepna, Allida Aléxandra Asmasoebrata, sarta nénéhna Andra, nyaéta hiji-hijina pembalap mobil wanoja ti Indonésia nu geus kakoncara di Asia, najan dina umurna anu masih kénéh ngora.[1] Dina taun 2017 inyana meunang pangajén Rékor Muri, ku sabab mangrupa hiji-hijina pembalap wanoja di Indonésia jeung Asia[2] Aléxandara mikaresep dunya balap téh ti mimiti umurna 12 taun kénéh, sarta némbongkeun préstasi anu pikareueuseun.[3] Wanoja geulis anu dilahirkeun di Jakarta 23 Méi 1988 téh mangrupa putri ka tilu ti Pasangan Aléx Asmasoebrata jeung Sofia Muri Murdiana. Bapana ogé mangrupa mantan pembalap anu saentragan jeung Aswin Bahar, Tinton Suprapto, Déyu jeung Dolly Indra Nasution.[3]
Profil[édit | édit sumber]
- Ngaran: Aléxandra Asmasoebrata
- Tempat, ping gumelar: Jakarta, 23 Mei 1988
- Agama: Islam
- Jangkung, berat awak: 167 cm, 55 kg
- Ngaran kolot: Aléx Asmasoebrata dan Sofia Muri Mardiana
- Nama sadulur: Elly W, Ahmad Z, Aldino Asmasoebrata
- Sakola: SMP Al Azhar Kebayoran Baru, SMU Al Azhar Kebayoran Baru, Fakultas Komunikasi Universitas Paramadina
- Kagiatan balapan: Formula Renault Asia & Karting
- Tim: IIRT (Indonesia Incorporated Racing Team)
- Pelatih: Alex Yoong, Jorg Muller[4]
Biografi[édit | édit sumber]
Aléxandra Asmasoebrata mangrupa putri katilu ti pasangan Haji M. A. S. Alex Asmasoebrata jeung Hj. Sofia Muri Mardiana. Kiprahna di dunya balap téh turunan ti bapana, anu geus moyan kacida. Andra ngamimitian balap téh gokart salaku kadet 60 cc dina umurna anu akara 12 taun.[5] Sababaraha kali inyana suksés dina ieu kagiatan, sababaraha kali jadi pinunjul.[5] Teu lila, sataun saterusna pindah ka kelas 125 cc, inyana nepi ka tingkat ASEAN. Ku kaparigelan mintonkeun balapna, Andra téh ditawaran asup di aréna balap internasional. [5] Satulyna Andra diaubkeun dina kualifikasi Formula BMS Scholarship dina tanggal 27 nepi ka 29 Pébwari 2004 di Spanyol.[6] Tah ti dieu pisan Andra ngamimitian asup dina dunya balap mobil formula. Dina taun 2007, sajaba ti milu kajuaraan Karting (Gokart), Andra ogé miluan kajuaraan Formula Renault Asia.[5]
Bareng jeung miéling poé Kartini, dina tanggal 21 April 2007, Andra narima pangajén ti MURI (Museum Rékor Indonésia), kana préstasina salaku pembalap wanoja anu munggaran di Indonésia.[5] Dina kancah internasional, Andra ogé kacatet salaku pembalap anu munggaran di Asia. Malah nepi ka bisa hasil nempatan pole position dina kajuaraan séri pamungkas 7 jeung 8 formula campus di Goldenport Motorpark Circuit, Beijing China dina bulan Oktober 2005 dina kagiatan Formula Kampus di China dia bulan Séptémber 2005.[5][7]
Préstasi[édit | édit sumber]
- 2002 champion National Kart Championship
- 2005 champion National Kart Championship
- 2005 World Championship Junior rotax max
- 2005 China Formula Campus Asian Division[8]
Rujukan[édit | édit sumber]
- ↑ "Alexandra Asmasoebrata | UNKRIS | Center of Studies". p2k.unkris.ac.id. Diakses tanggal 2023-03-25.
- ↑ sportstars.id. "Biodata dan Agama Alexandra Asmasoebrata: Pembalap Wanita Masuk MURI - Sportstars.Id". https://www.sportstars.id/ (dalam Indonesian). Diakses tanggal 2023-03-25. Archived 2023-03-25 di Wayback Machine
- ↑ a b VIVA, PT VIVA MEDIA BARU-. "Profil Alexandra Asmasoebrata - VIVA". www.viva.co.id (dalam Indonesian). Diakses tanggal 2023-03-25.
- ↑ KOMPUTER, UNIVERSITAS SAINS & TEKNOLOGI. "Alexandra Asmasoebrata". p2k.stekom.ac.id. Diakses tanggal 2023-03-25.
- ↑ a b c d e f KOMPUTER, UNIVERSITAS SAINS & TEKNOLOGI. "Alexandra Asmasoebrata". p2k.stekom.ac.id. Diakses tanggal 2023-03-25.
- ↑ "3 Pebalap Cantik Indonesia - Berita Otomotif | Mobil123". Mobil123.com - Indonesia No.1 Portal Otomotif (dalam Indonesian). Diakses tanggal 2023-03-25.
- ↑ "Jelang Formula E, Begini Keseruan Pebalap Cantik Alexandra Asmasoebrata Bareng 100 Anak". SINDOnews.com (dalam id-ID). Diakses tanggal 2023-03-25.
- ↑ "Alexandra Asmasoebrata | UNKRIS | Center of Studies". p2k.unkris.ac.id. Diakses tanggal 2023-03-25.