Babasan

Ti Wikipédia, énsiklopédia bébas basa Sunda

Babasan (basa Inggris:idiom, basa Indonésia:ungkapan), numutkeun Kamus Umum Basa Sunda beunang LBSS (1976), nyaéta “ucapan matok nu dipaké dina harti injeuman, saperti gedé hulu, panjang leungeun, legok tapak jst.”

Numutkeun R. Satjadibrata dina Kamus Basa Sunda (1954): ‘babasan atawa paribasa: sawatara kecap nu disusun nu hartina teu sarua jeung harti sawajarna, tapi basana geus kamaphum ku saréréa.” Ari ngeunaan paribasa, Ama Satja nerangkeun kieu: “paribasa (paripaos, l.): kecap-kecap nu disusun jadi omongan nu hartina piluangeun atawa jadi pituah.”