Mesin Film

Mesin Film (Inggris ; Blown Film Machine) nyaéta salah sahiji cara anu paling ilahar dipaké dina nyieun lambaran plastik atawa disebut ogé ekstrusi (tubular film), ieu prosés dimimitian ku ekstrusi/merejelkeu plastik anu geus dilééh keun dina barrel saméméhna ngaliwatan lolongkrang anu ipis pisan tina hiji alat anu disebut die (wujudna buleud). Plastik anu lééh kaluar jiga selang/pipa, tuluy waé ieu plastik téh ditiup makékakuata angin anu kawilang gedé nepikeun ka ieu selang téh mekar (orientasi) ngawujud jadi balon/tube ku alatan mekar ieu plastik jadi ngalegaan jeug ngipisan, dinamangsa ditiup ieu selang plastik anu geus ipis jadi (tube) tuluy waé ditarik ka luhur ngarah tiis, di luhur ieu aya dua pasang roll anu baris nilepkeun ieu tube plastik ngarana (Collapsing Bubble) tuluy di tarik deui ka handap pikeun di golongan engkena ngagulung jadi roll plastik.^[1]

Aya sababaraha kaunggulan tina ieu cara nyieun lambaran plastik, di antarana :^[2]

Ngahasilkeun lambaran plastik bisa tube/tabung datar atawa dibéré rempel/ditilepkeun gigirna/(gusset) dina sakali jalan
Kandel jeung ipisna lambaran plastik bisa diatur ku ngagedéan atawa ngaleutikan tanaga angin anu niup balon plastik tadi.
Tungtung plastik leuwih rapih, béda jeung di ekstrud. Sakapeung potongan kurang rapih lantaran aya béda suhu tengah jeung sisina.
Plastik ngembang/orientasi sarua kagigir, bisa ngahasilkeun sipat plastik anu mibanda sipat mekanik sarua
Blown Film Extrusion bisa dimangpaatkeun pikeun nyieun (co-extruded), (film multi-layer) Anu loba dimangpaatkeun pikeun pamungkus kadaharan anapon kimia.

Plastik Film/sheet plastik : Nyaéta bahan polimér anu ipis pisan dipaké dina sababaraha widang kabutuhan, bungkus, kantong plastik, fotograpi, rékaman vidéo, kontruksi wangunan, jeung séjén-séjéna. membran plastik, nyaéta panghalang an anu dijieun tina plastik ipis, dipaké dina aréa anu béda, pikeun nahan eusina, atawa panghalang dina daérah husus anu dicitak.

Bahan anu dipaké[édit | édit sumber]

Poliétilén (HDPE, LDPE jeung LLDPE) nyaéta resin anu paling ilahar dipakê, tapi bahan séjéna ogé bisa dimangpaatkeun pikeun campuran jeung ieu resin atawa dijadikeun lapisan dina bagian struktur film multi-layer. Kaasupkeun PP, PA, EVOH. Dina sababaraha kaayaan, henteu sakabéh bahan bisa nyampur tur lééh dina waktu anu sarua, nya jalan kaluarna kudu maké film multi-layer anu bakal ngadahup keuna. nyaéta ku jalan maké lapisan ipis resin anu gunana pikeun ngelém/ngaraketkeun/bonding éta lapisan. disebut ogé “tie layers”

Pamangpaatan[édit | édit sumber]

Hasil tina Plastik lambaran anu ditiup bisa dimangpaatkeun dina wujud tube/tabung/solobong (upamana kantong plastik jeung karung) atawa tabung/tube plastik di belah heula ngajadikeun plastik lalambaran. Industri pamungkus/packaging anu paling loba ngamangpaatkeun ieu hasil produksi (Contona shrink film (plastik anu méotan/murengked di mana keuna panas, rupa-rupa kantong, wawadahan, jeung loba pisan anu séjéna), Bungkus barang dagangan (Contona bungkus kadaharan anu beku, Bungkus barang kiriman,Plastik Ségel jeung loba deui anu séjéna ), Plastik anu dilaminasi/dirapetkeun jeung bahan séjén (dirapet jeung almaniem, kertas, biasana dipaké mungkus kopi, sabun jeung anu séjéna ), Plastik Barrier/panghalang/bates (dijieun upamana tina bahan poliamida jeung EVOH gunana pikeun nahan babauan jeung oksigen dipaké umumna dina bungkus kadaharan, daging atawa keju), dipaké mungkus pikeun pakakas medis, dipaké ogé dina tatanén (green house, mulsa , film silase, silase stretch film)