Mukena
Mukena nyaéta kukudung awéwé Islam waktu salat[1], pakéan husus paragi salat kaum awéwé dina agama Islam. Wangunna nutupan sakujur awak, iwal beungeut jeung kadang-kadang dampal leungeun. Tujuanana pikeun nutupan orat awéwé nalika salat. Modélna aya anu sageblus, aya anu dua potong. Umumna warna mukena bodas, maksudna sangkan témbong atra lamun aya kokotor napel, lantaran nalika salat aya katangtuan kudu suci tina najis. Kadieunakeun warna-warna mukena rupa-rupa. Variasi modélna ogé rupa-rupa, aya anu dihias ku bordél, rénda, pita, benang emas, jeung lianna.
catetan[édit | édit sumber]
- ↑ Panitia Penerbitan Kamus Basa Sunda. Kamus Basa Sunda R.A. Danadibrata. Kiblat Utama. Bandung. 2008