Musieum Préanger
Musieum Préanger nyaéta salah sahiji musieum di Bandung anu ngahiji jeung Grand Hotél Préanger, lokasina aya di Jalan Asia Afrika nomor 81, Kota Bandung.[1]
Sajarah[édit | édit sumber]
Dina taun 1949, Schoemaker maot. Ku sabab éta diwangun musieum husus pikeun ngemutan jasa-jasana anjeunna.[2]
Schoemaker dilahirkeun di Banyubiru, Semarang dina taun 1882. Musieum Préanger aya dina jero Grand Hotél Préanger. Schoemaker kungsi janten Rektor ITB anu katujuh dina waktos 16 Juni 1934-5 Agustus 1935. Anjeunna ogëé kungsi janten Guru Besar di Univérsitas Delf di Walanda. Anjeunna pensiun ti ITB dina taun 1940.[3]
Di Bandung aya loba pisan wangunan anu miboga arsitéktur anu khas. Salah sahiji arsiték anu kasohor di Bandung dina zaman Walanda nyaéta Wolff Schoemaker. Aya sababaraha karya anjeunna di antawisna nyaéta Gedong Merdéka jeung Observatorium Bosscha. Aya musieum husus anu diwangun ngeunaan Wolff Schoemaker jeung karya-karyana, musieumna dingaranan Musieum Wolff Schoemaker atawa Musieum Préanger.[4]
Aya loba inohong anu kungsi nganjang ka Grand Hotél Préanger di antawisna nyaéta Soekarno, Charlie Chaplin jeung Amelia Earhart salaku pilot awéwé anu kahiji ti Amérika Serikat.[3] Amélia kungsi nganjang ka Bandung pikeun ngarawat pesawat. Tungtungna, pesawatna leungit di Samudera Pasifik dina taun 1937. Teras korsi beureum anu kungsi dipaké ku Chaplin masih aya kénéh dina musieum ieu.[4]
Salian korsi beureum Charlie Chaplin jeung barang-barang milik Amelia Earhart, aya ogé barang nu sanés sapertos gramofon, telepon heubeul, mesin pikeun nyieun kopi, proyektor heubeul anu badag. Dina dinding anu aya dina belah sisi korsi Charlie Chaplin, aya carita sajaran Grand Hotél Préanger ti mimiti diwangun nepi ka zaman kiwari.[5]
Ngaran Préanger asalna ti Priangan. Dina taun 1897, aya toko anu bangkrut, teras diroba janten Hotél Préanger. Dina taun 1929, hotél dirombak, perombakanana dilaksanakeun ku Wolff Schoemaker jeung muridna, Soekarno. Sababaraha taun saangeusna, hotél dirombak deui, bagéan anu miboga nilai sajarah masih dijaga nepi ka ayeuna.[4]
Rohangan anu kadua husus pikeun Wolff Schoemaker ku sabab loba pisan jasa-jasa anjeunna dina pangwangunan sababaraha gedong anu aya di Bandung. Gedong De Majéstic anu janten bioskop anu kahiji di Bandung. Ku sabab éta dina rohangan dina jero Musieum Préanger, aya pakakas pikeun muter film heubeul. Aya ogé Garéja Katédral, Villa Isola, kantor percetakan Van Dorp anu ayeuna janten Landmark Convention Céntré, masjid Cipaganti, jeung masih loba deui karya anjeunna.[4]
Eusi musieum[édit | édit sumber]
Aya dua rohangan leutik dina jero musieum. Rohangan kahiji eusina patali jeung Grand Hotél Préanger, rohangan nu kadua patali jeung Wolff Schoemaker.[4]
Musieum ieu aya dina jero Grand Hotel Preanger. Eusi musieum ieu di antawisna patali jeung kahirupan Schoemaker jeung karya-karyana. Aya oge peta informasi ngeunaan sebaran wangunan karya Schoemaker. Dina peta, aya informasi sapertos ngaran wangunan, taun jeung lokasina. Gedong anu dirancang ku Schoemaker nyaéta Grand Hotel Preanger (1929), Gedung Merdeka (Concordia) (1921), Bioskop Majestic (1923), Landmark (Ex Van Dorp) (1922), Ex Insulinde (1921), Gereja Santo Petrus (Cathedral) (1922), Gereja Bethel (1925), Rumah Sawunggaling (1925), Makodiklat (Jaarbeurs) (1920), SMA 3 dan SMA 5 (HBS) (1920), Biofarma (1933), Villa Isola (1933), dan Teropong Bintang Boscha (1925).[6]
Rujukan[édit | édit sumber]
- ↑ "Mengintip Isi Museum Wolff Schoemaker". PASJABAR (dalam Indonesian). Diakses tanggal 2023-12-02.
- ↑ Azhara, Bambang Muhamad Fasya. "Wolff Schoemaker dan Museumnya di Bandung". www.goodnewsfromindonesia.id (dalam id-ID). Diakses tanggal 2023-12-02.
- ↑ a b Admin. "Museum Preanger Penghormatan Untuk CP.Wolff Schoemacker". SMKAA. Diakses tanggal 2023-12-02.
- ↑ a b c d e Prabawa, Listya Dara Sunda. "Mengunjungi Museum Wolff Schoemaker di Kota Bandung". TelusuRI (dalam Indonesian). Diakses tanggal 2023-12-02.
- ↑ Media, Kompas Cyber. "Wisata ke Museum Preanger, Lihat Kursi Charlie Chaplin dan Surat Amelia Earhart Halaman all". KOMPAS.com (dalam Indonesian). Diakses tanggal 2023-12-02.
- ↑ "Wisata Arsitek Museum Wolff Schoemaker Bandung". RCTI+ (dalam Indonesian). Diakses tanggal 2023-12-02.