Raramat wewengkon lokal tanpakabel
Raramat wewengkon lokal tanpakabel (Basa Inggris: wireless local area network, wireless LAN atawa WLAN) nyaéta hiji raramat anu ngahubungkeun pakakas-pakakas ku cara distribusi tanpa kabel (umumna spéktrum sumebar (spread spectrum) atawa OFDM) tur ilaharna nyadiakeun hiji hubungan ngaliwatan hiji titik aksés ka internét nu leuwih lega. Ku cara ieu, nu maraké raramat boga mobilitas pikeun pundah-pindah dina sajeroeun wewengkon nu kawengkuna tur bisa kénéh kahubungkeun kana raramat.
Kiwari standar téknologi 802.11b (anu biasa disebut Wi-fi) mindeng digunakeun pikeun ngawangun LAN. Tempat-tempat anu nyadiakeun sambungan LAN kalayan téknologi Wi-fi biasa disebut hotspot. Wireless LAN geus kasohor keur dipaké di imah alatan gmpangna instalasi tur ku beuki nambahna popularitas komputer laptop. Bisnis publik kawas kafé jeung mall geus mimiti nawarkeun aksés tanpa kabel ka palanggana, nu kadang-kadang gratis.
Tanpakabel
[édit | édit sumber]| Istilah | Harti / singkatan |
|---|---|
| LAN | Local Aréa Network; jaringan komputer nu basajan |
| Wireless | Jaringan Nirkabel |
| Wireless LAN | Jaringan komputer nu teu maké kabel |
| Wireless PAN | Personal aréa Network nu nyambung teu maké kabel. Teknologi nu dipaké nyaéta IRDA jeung Bluetooth. |
| Wireless card | Kartu ni dipaké keur ngadukung komputer supaya bias kahubung kana hiji jaringan |
| PCMCIA | Personal Computer Memory Card International Association |
| AP | Access Poin |
| SSID | Service Set Indentifier |
Ku kamajuan Jaman, teknologi komputer ogé ngahasilkeun teknologi anyar nu ngalengkepan kabutuhan jaman dina kabutuhan jaringan komputer nu ngadukung kana mobilitas sareng fleksibilitas. Wireless LAN mangrupa jaringan Komputer nu teu maké kabel tapi media transmisi na ngagunakeun frékuénsi radio ( RF) jeung infra red ( IR ). System ieu mangfaat upama upaya nyambungkeun jaringan komputer maké kabel atawa serat optic hésé atawa mahal. Pakakas nu dipaké dina jaringan ieu nyaéta komputer, laptop, telepon seluler, akses poin ( AP ),PCMCIA/LAN Card/wirelesscard jeung sajabana.
Pakakas nu di pake dina WLAN
[édit | édit sumber]1. Personal Komputer.
- nyaéta Komputer anu biasa dipaké atawa aya ogé nu nyebut desk top
2. Laptop
- Komputer jingjing nu bisa di babawa kamamana. Laptop nu modél anyar geus di lengkepan jeung fasilitas WLAN, tapi laptop nu heubeul kudu maké PCMCIA/Landcard/wireless card supaya bisa kahubung jeung jaringan.
3. Personal Computer memory Card International ( PCMCIA ).
PCMCIA aya ogé nu nyebut LAN card aya ogé nu nyebut wireless Card. Pakakas ieu mangrupa pakakas nu ngahubungkeun laptop/komputer ka Access Poin.
4. Access Poin ( AP ).
- Access Poin ( AP ) nyaéta pakakas nu dipaké dina WLAN keur ngirimkeun data ku jalana frequensi radio. Kagunaan acces poin ieu pikeun ngirim jeung narima data,ngarobah sinyal RF ( frékuénsi Radio ) jadi sinyal digital nu dihubungkeun kana pakakas jaringan komputer liana.
Conto kagunaan Wireless LAN (WLAN ) nyaéta di mana waé urang bisa ngamangfaatkeun fasilitas internet bisa di bandara, di mall,warung kejo,kereta api jeung di tempat umum liana. Spesifikasi nu digunakeun dina wireless LAN nyaéta IEEE 802.11, anu di sebut ogé WiFi ( wireless Fidelity ) nyaéta standar nu ngatur dina masalah kecepatan akses data
| Spesifikasi | Speed | frékuénsi band |
|---|---|---|
| 802.11a | 54Mb/s | 5 GHz |
| 802.11b | 11Mb/s | 2.4 GHz |
| 802.11g | 54 Mb/s | 2.4 GHz |
| 802.11n | 100 Mb/s | 2.4 GHz |
Sabenerna kagunaan teknologi wireless LAN sarua jeung teknologi jaringan komputer nu maké kabel ( wire LAN atawa Local Aréa Network ). Tehnologi wireless LAN nu ngagunakeun frékuénsi radio keur ngirim jeung narima data, tangtuna ngurangan kabutuhan hubungan nu maké kabel. Akibatna pamake nu miboga mobilitas jeung fleksibilitas gedé teu gumantung kana tempat jeung lokasi. Teknologi wireless LAN ogé bisa nyieun jaringan komputer di tempat nu hésé dihubungkeun ku jaringan kabel .
Tempo ogé
[édit | édit sumber]- Fixed wireless
- Hotspot (Wi-Fi)
- Local area network
- Wi-Fi array
- Wireless access point
- Wireless electronic devices and health
- Wireless LAN client comparison
- Wireless LAN Interoperability Forum
- Wireless mesh network
- Wireless network
- Wireless LAN security
Rujukan
[édit | édit sumber]Bacaan satuluyna
[édit | édit sumber]- Wireless Networking in the Developing World: A practical guide to planning and building low-cost telecommunications infrastructure (PDF) (2nd ed.). Hacker Friendly LLC. 2007. p. 425.
- Geier, Jim (2001). Wireless LANs. Sams;. ISBN 0672320584.
- Rhoton, John (2001). The Wireless Internet Explained. Digital Press. ISBN 1555582575.