Vihara Widhi Sakti
Vihara Widhi Sakti mangrupakeun salah sahiji tempat ibadah anu aya di kawasan Odéon, Kacamatan Warudoyong, Kota Sukabumi. Ieu wihara geus ngadeg leuwih ti 100 taun. Dumasar kana sajarahna, ieu wihara diadegkeun nalika Kota Sukabumi keuna ku salalad koléra basa dijajah ku Walanda.[1] Étnis Tionghoa biasa ngalaksanakeun di ieu tempat. Di jero wihara aya patung Budha Déwa Han Tang jeung Déwi Kwan In. Éta patung dikurilingan ku lilin-lilin anu hurung, sedengkeun bagian luhur wihara loba ornamén has Cina.[2]
Ieu Vihara aya di Kota Sukabumi.
Thung Hoat Tiat[édit | édit sumber]
Di taun 1908, Kota Sukabumi keuna ku sasalad koléra. Di sapapanjang jalan loba mayit lantaran teu katulungan diubaran lantaran éta sasalad.[3] Thung Hoat Tiat mangrupakeun praktisi kungfu anu katelah basajan. Thung Hoat Tiat boga tarékah pikeun néangan ubar pikeun sasalad di Kota Sukabumi. Salasahiji tarékahna nyaéta indit ka Kota Bogor pikeun papanggih jeung ahli tukang nyieunan ubar atawa disebut sin she. Nanging, éta sin she nitah Thung Hoat Tiat pikeun ménta tulung ka Kongco Han Tan Kong (patung sesepuh). Thung Hoat Tiat ngalaksanakeun ritual Ciamsi. Ciamsi mangrupakeun kagiatan médiasi jeung sesepuh. Nalika ngalaksanekun éta ritual, batur anu deukeut jeung Thung Hoat Tiat kasurupan, sarta méré béja yén Thung Hoat Tiat kudu mawa Kongco Han Tan Kong ka Sukabumi. Sanggeus dibawa ka Sukabumi, salasahiji sadérék Thung Hoat Tiat ngalaman hal spiritual, anu méré béja yén Kongco Han Tan Kong kudu digotong ngurilingan opat juru kota Sukabumi, anu kiwari éta kagiatan téh dingaranan Cap Goméh. Ahirna, Thung Hoat Tiat ménta izin ka pamaréntah Walanda pikeun ngalaksanakeun kagiatan Cap Goméh, anu mangrupakeun salasahiji tarékah pikeun ngubaran sasalad koléra.[4]
Sanggeus kagiatan Cap Goméh, sasalad koléra bisa diubaran. Di taun 1911, masarakat di daérah Odéon nyieun kelenténg anu dingaranan Bie Hian Kiong, tuluy diresmikeun ditaun 1912. Lantaran situasi pulitik, di taun 1950 sacara hukum éta kelentén ngahiji jeung majelis agama Budha, ngaranna robah jadi Vihara Widhi Sakti nepi ka kiwari.[2]
Référénsi[édit | édit sumber]
- ↑ Ramdhani, Azis. "Sepenggal Kisah Vihara Widhi Sakti: Dibangun Tahun 1908 saat Sukabumi Dilanda Wabah Kolera". Jurnal Sukabumi (dalam Indonesian). Diakses tanggal 2023-04-04.
- ↑ a b Tentry Yudvi Dian, Utami. "Wihara Widhi Sakti, Saksi Sejarah Zaman Belanda di Sukabumi - Semua Halaman - Nova". nova.grid.id (dalam Indonesian). Diakses tanggal 2023-04-04.
- ↑ Lesmana, Eka. "Vihara Widhi Sakti Dibangun 1908 Kala Sukabumi Dilanda Wabah Kolera". Fokus Priangan (dalam Indonesian). Diakses tanggal 2023-04-04.
- ↑ Redaksi, Redaksi. "Mengenal Vihara Widhi Sakti Kota Sukabumi, Bangunan Tua Bersejarah | Radar Sukabumi" (dalam Indonesian). Diakses tanggal 2023-04-04.[tumbu nonaktif]