Al-Sofa jeung Al-Marwah

Ti Wikipédia Sunda, énsiklopédi bébas

Al-Sofa jeung Al-Marwah (Sofa jeung Marwah) (basa Arab: الصفا Aş-Şafā ; المروة Al-Marwah) nyaéta dua pasir leutik nu kiwari aya di Masjidil Haram di Mekah, Saudi Arabia nu mana di antarana Muslim bulak balik tjuh kali nalika Haji jeung Umroh.

Sajarah[édit | édit sumber]

Dina tradisi Islam, Nabi Ibrahim dipiwarang ku Allah pikeun ngantunkeun garwana Siti Hajar di gurun sareng putrana Ismail sarta bebekelannana. Nalika bebekelannana seep, Siti Hajar milari cai. Kanggo tiasa ningali paningalian anu jelas ka wewengkon sabudeureunnana, anjeunna naek ka dua pasir eta. Saparantos pertela yén euweuh hasil, anjeunna mulih deui ka Ismail sarta mendakan rehna aya cai nyusu mancer terus-terusan. Muslim percanten yén Allah nyayogikeun kanggo Siti Hajar cai nu mancer sacara aheng tina sumur, nu kiwari katelah Sumur Zamzam nu tos ngalir mangrebu-rebu taun.

Lokasi[édit | édit sumber]

Masjidil Haram mangrupa tempatna Ka'bah, titik tujuan utama solat keur sadaya Muslim. Sofa — tempat mimitina leumpang (sa`i, basa Arab: سعى) — aya kurang leuwih satengah mil ti Ka'bah. Marwah ayana kurang leuwih 100 yard ti Ka'bah. Jarak antara Sofa jeung Marwah kurang leuwih 450 meter, sahingga tujuh kali bulak-balik kurang leuwih 3.15 kilometer. Kadua titik sarta jalur di antarana kiwari aya di sajeroeun balkon panjang nu mangrupa bagéan tina Masjid.

Sa'i[édit | édit sumber]

Sa'i dimakudkeun keur ngeling-ngeling Siti Hajar nu milarian cai sarta kamurahan Gusti Allah dina ngabulkeun do'a.