Aprésiasi
Aprésiasi téh nyaéta kasadaran kana ajén-ajén anu nyangkaruk dina warnaning seni jeung budaya. [1]Tumuwuh tina rasa meunang kasugemaan (éstétis) jeung ngarasa meunang mangpaat (émosional jeung inteléktual).[1]Tarékah ngipuk atawa ningkatkeun aprésiasi sastra di antarana ku jalan kieu.[1]
- Mindeng maca karya sastra, numuwuhkeun pangaresep maca, neuleuman jeung ngabeungharan pangalaman tina karya sastra.[1]
- Latihan nganalisis, ngarucat bagian-bagian atawa unsur-unsur kalawan gemet, nyalusur atawa nengetan ajénna dina struktur carita (karya).[1]
- Latihan nafsiran (intepretasi), ngabiasakeun nyurahan, nerangkeun, matalikeun, nyeukeutan rasa tina beubeunangan maca.[1]
- Méré pangajén (évaluasi), nembrakkeun rasa sugemana, nilik mangpaatna patali jeung kahirupan aktual, punjulna, jsb.[1]