Cacing

Ti Wikipédia, énsiklopédia bébas
Luncat ka: pituduh, sungsi
Cacing

Cacing nyaéta salasahiji ngaran sasatoan anu miboga ciri-ciri: sato leutik, ngarayap, henteu boga suku, awakna buleud atawa pipih panjang jeung hirupna teu kukurumunan.[1] Salian ti éta cacing ogé bisa hirup dina cai, taneuh, beuteung jelema atawa beuteung sasatoan.[1] Cara hirupna aya nu nguntungkeun aya ogé nu ngarugikeun atawa parasit.

Rupa-rupa Cacing[édit | édit sumber]

Cacing Ipis (Platyhelminthes)[édit | édit sumber]

Kelompok cacing Ipis (Platyhelminthes) Bentukna ipis jeung lemes.[2] Cacing ieu ngan boga hiji liang, nyaéta bahamna.[2] Liang éta ogé dipaké pikeun ngaleupaskeun sésa dahareun.[2] Cacing ieu teu boga rongga awak.

Cacing Gilig (Nemathelminthes)[édit | édit sumber]

Cacing Gilig (Nemathelminthes) Boga awak buleud panjang, teu bubukuan, jeung bahamna aya di tungtung hareup sarta dina anus di tungtung tukang awakna.[2] Kulitna leueur sarta teu boga warna.[2] Conto cacing gilig (Nemathelminthes) nyaeta cacing beuteung (Ascaris lumbricoides), cacing tambang (Ancylostoma duodenale), jeung cacing kremi (Oxyyuris vermicularis).[2]

Cacing Gelang (Annellida)[édit | édit sumber]

Cacing Gelang (Annelida) mibanda awak bubukuan.[2] Buku-buku awakna boga bentuk kawas gelang anu pada nyambung.[2] Cacing Gelang boga rongga awak antara kulit awak jeung témbok peujit.[2]

Referensi[édit | édit sumber]

  1. a b (id)Definisi Cacing
  2. a b c d e f g h i (id)Jenis-jenis Cacing diakses 21 Juli 2015


Nulis.jpg