Celine Dion
Celine Marie Claudette Dion atawa anu dipikawanoh ku ngaran Celine Dion nya éta penyanyi asal Kanada, lahir di Charlemagne, Quebec, Kanada, 30 Maret 1968. [1] Dina karirna, manéhna kungsi meunang Canadian Grammy jeung The Juno Awards.[1] Manéhna nikah jeung saurang manajer rékaman, René Angelil, anu milu ngarojong karir Celine Dion. [1] Bakat bantuan ti salakina, Celine Dion kungsi meunang penghargaan Yamaha World Popular Song Festival taun 1982 jeug The Eurovision Song Contest taun 1988.[1]
Ti leuleutik, kulawarga Dion geus wanoh jeung musik. [2] Ngaran Celine kungsi dipaké minangka salah sahiji judul lagu penyanyi Perancis, Hugues Aufray, dua taun saméméh Dion tepang taun. [2] Dion jeung dulur sakandungana ogé mindeng nyanyi babarengan dipirig ku hiji piano bar.[2]
Nalika umur 12 taun, Dion berkolaborasi jeung indung sarta kaka iparna, Jacques dina lagu kahijina nya éta Ce n'Était qu'un rêve ("It Was Only a Dream").[2] Tuluy lagu éta dikirimkeun ku Michel Dondalinger (lanceuk Celine Dion) ka Rene Angelil, saurang manajer label rékaman (anu kiwari jadi salakina). Sora Dion ngirut parhatian Angelil nepi ka ceurik, saprak harita, Angelil mutuskeun sangkan Dion kudu jadi artis. [2]
Taun 1981, Dion ngarékam lagu kahijina, La voix du bon Dieu anu jadi lagu hit sarta ngangkat reputasi Dion salaku artis lokal Quebec. [2] Popularitas Dion ditandaan ku meunangna penghargaan di sagala rupa festival dunya saperti Yamaha World Popular Song Festival, Tokyo, jadi Top Performer dina Musician Award jeung Best Song pikeun lagu Tellement j'ai d'amour pour toi.[2]
 |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
