Demi Pasukan

Ti Wikipédia, énsiklopédia bébas
Luncat ka: pituduh, sungsi

Demi Pasukan teh buku antologi nu ngamuat carita pondok ti sawatara pangarang, boh pangarang Sunda, boh pangarang deungeun anu karyana geus ditarjamahkeun kana basa Sunda.[1]


Deskripsi Buku[édit | sunting sumber]

Demi Pasukan teh kumpulan carita pondok pilihan redaksi SES anu kadua tina tilu buku nu diterbitkeun,nya eta anu kahijina Anting Perak ari anu katiluna Carecet Sulam.[1] Diterbitkeun ku Penerbit Sargani & Co.[1] Redaksi nu milih jeung nangtukeun carita pondok nya eta tiluan: Saini KM, Enoch Atmadibrata, jeung Djadja Sargani, nu matak bukuna make seri SES singgetan tina tilu urang nu ngaredaksian (Saini,Enoh,Sargani).[1] Dina ieu buku dimuatkeun 3 carita pondok asli jeung 3 carita pondok tarjamahan, boh anu tina basa Indonesia, boh anu tina basa asing.[1]Dina “Pangjajap” redaksi nembrakkeun yen nu jadi udagan jeung kriteria milihan carita, henteu dumasar kana ajen inajen sastra, tapi dumasar pangaresep atawa selera masing-masing. Redaksi neundeun harepan,muga-muga buku seri SES ieu bakal ngadeudeul kamekaran masarakat dina rohaniah spiritual, ku bacaan-bacaan panglipur nu aya mangpaatna.[1]Ukuran buku 17 cm x 13 cm, ngagunakeun keretas koran, kandelna 94 kaca.[2] Gambar jilid jeung ilustrasi di jero digambaran ku Dedy Suardi jeung Sukmara W.N.[2]Ngeunaan judul Demi Pasukan, taya katerangan nu ngajentrekeun naha make eta judul, sabab lain salah sahiji judul tina genep judul carpon anu dimuat. Dina jilid luar make sub judul ‘genep carita pondok pilihan’, tapi ari dina bagian jero mah make sub judul ‘Kumpulan carita pondok pilihan’.[2]


Eusina[édit | sunting sumber]

  1. Pangjajap (Redaksi)
  2. Kaasih Indung (Premchand/tarjamahan Noh Atmadibrata)
  3. Disaksian ku Bangawan (Nugroho Notosusanto/tarjamahan AHS Armin Asdi)
  4. Si Kabayan (Min Resmana)
  5. Pesta Maut (Cevdet Kudret/teu aya katerangan,gede kamungkinan eta tarjamahan Saini KM)
  6. Bangsat (Sanaya)
  7. Kasambet (Ahmad Bakri).[2]
Nulis.jpg



Rujukan[édit | sunting sumber]

  1. a b c d e f Rusyana,Yus.Ensiklopedi Sastra Sunda.Pusat Pembinaan dan Pengembangan Bahasa Depdikbud.Jakarta 1986.kaca 24
  2. a b c d Saini KM,spk.Demi Pasukan.Sargani & Co.Bandung.1966

Tingali[édit | sunting sumber]