Dilan: Dia adalah Dilanku Tahun 1990
Dilan, Dia Adalah Dilanku Tahun 1990 mangrupa salah sahiji novél karya Pidi Baiq nu medal taun 2014 kalawan pamedal Mizan.[rujukan?] Saméméhna Pidi baiq ogé kungsi ngaluarkan sababaraha novél di antarana Drunken Monster, Drunken Molen, At-twitter, Al-asbun, Drunken Mama, Drunken Marmut, jeung Hanya Salju dan Pisau Batu.[1] Gaya basa dina ieu novel maké gaya basa taun 70-an ogé basana campur aduk aya sunda jeung gaya ciri khas urang Bandung.[rujukan?] Aya dua tokoh utama anu di caritakeun dina ieu novel karangan Pidi baiq, nyaéta si Dilan jeung si Miléa.[1]
Sawatara kutipan dina ieu novél:
- "Milea, kamu cantik, tapi aku belum mencintaimu. Enggak tahu kalau sore. Tunggu aja" (Dilan 1990)[2]
- "Milea, jangan pernah bilang ke aku ada yang menyakitimu, nanti, besoknya, orang itu akan hilang." (Dilan 1990)[2]
- "Cinta sejati adalah kenyamanan, kepercayaan, dan dukungan. Kalau kamu tidak setuju, aku tidak peduli." (Milea 1990)[2]
Sinopsis[édit | édit sumber]
Dilan téh hiji sosok anu dicaritakeun dina novel ieu nu boga karakter unik.[1] manéhna misterius, wanian, bisa mimpin barudakna, tapi ogé osok ngajieun hal anu biasa-biasa jadi romantis pisan ku carana anu anéh.[1] Contona manéhna ampir unggal poe ngirim si Miléa coklat, tapi carana anu béda.[1] Biasana si éta cokelat téh di titipkeun ka tukang pos, tukang ngenteurkeun Koran, pembantu si Miléa jeung loba deui nu séjéna.[1] Kungsi basa si Miléa gering manéhna lain mawa bungbuahan atau martabak pas ngalongok si Miléa, tapi si Dilan mawa tukang urutna, bi Asih, sangkan mencetan awak si Miléa.[1] Ceuk si Dilan éta kabéh téh nandakeun yen loba nu paduli jeung merhatikeun si Miléa di ieu dunya.[rujukan?] Loba kénéh hal-hal anéh tapi jadi romantis nu ku si Dilan di lakukeun jang pujaan hate na. ‘Milea’.[2]
Hiji deui tokoh utama dinu ieu novel téh nyaéta si Miléa.[1] Miléa hiji awewe anu geulis.[rujukan?] Bapana tentara terus ayeuna manéhna cicing di Bandung lantaran bapana di pindah tugaskeun ka Bandung.[1] Di dieu awal caritana di mulai, Miléa sosok gadis periang jeung pinuh semangat, manéhna ge sosok nu bener-bener perhatian ka jelema anu bisa ngaluluhkeun hatena.[1] Saperti contona manéhna mbung ninggali si Dilan tawuran jeung SMA séjén ku sabab sieun si Dilan cilaka.[1]
Rujukan[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |