Guglielmo Marconi
| Guglielmo Marconi | |
|---|---|
 Marconi pada tahun 1908 | |
| Lahir | 25 April 1874  Palazzo Marescalchi, Bologna, Italia |
| Tilar | 20 Juli 1937 (yuswa 63) Roma, Italia |
| Tempat nganjrek | Italia |
| Kabangsaan | Italia |
| Alma mater | Universitas Bologna |
| Pembimbing akademik | Augusto Righi |
| Dipikawanoh lantaran | Penemuan Radio |
| Layang pangajén | Nobel Fisika (1909) |
Tanda tangan  | |
Guglielmo Marconi (gumelar 25 April 1874 – maot 20 Juli 1937 dina umur 63 taun)– nyaéta insinyur disiplin paélmuan listrik ti Italia kalawan geus meunangkeun hadiah Nobel. Anjeunna dipikawanoh sanggeus ngamekarkeun sistem télégrafi teu maké kabel nu kiwari lumrah disebut radio. Anjeunna narima pangajén jeung Karl Braun taun 1909.[1]
Kasang Tukang
[édit | édit sumber]Guglielmo Marconi gumelar di Bologna, Italia kaping 25 April 1874, anak lalaki kadua ti Giuseppe Marconi, salah saurang lalaki Italia nu kacida beungharna jeung jeung Annie Jameson nu asalna ti Irlandia. Anjeunna nganggeuskeun atikanna di Livorno.[1]
Guglielmo Marconi nikah jeung Maria Cristina Bezzi-Scali kaping 15 Juni 1927. Anjeunna miboga hiji anak awéwé nu ngaranna Maria Elettra Elena Anna Marconi. Marconi tilar dunya kaping 20 Juli 1937 di Roma, Italia di yuswa 63 taun.[1]
Lalampahan Hirup
[édit | édit sumber]Guglielmo Marconi nu nimukeun radio, anjeunna diatik sacara husus ku salah saurang guru. Taun 1894 waktu umurna nincak 20 taun, Marconi maca ékspérimén nu dilakukeun ku Heinrich Hertz sababaraha taun saacanna.[1] Éta ékspérimén ngadémontrasikeun gelombang éktromagnétik nu teu kaciri ku panon, gerak di jomantara ku gancangna sora.[1]
Marconi terus kahudang ku ide yén gelombang ieu bisa dimanpaatkeun pikeun ngirim data jarak jauh nu teu merlukeun kawat nu nyadiakeun lobana kamingkinan mekarna komunikasi nu teu bisa kahontal ki télégram. Misalna, ku cara ieu warta-warta bisa dikirim ka kapal ditengah laut.[1]
Taun 1895, ngan butuh sataun anjeunna gawé nu bener-bener, Macroni bisa ngaontal nu dicita-citakeun. Anjeunna mimiti ngaproduksi pakakas nu diperlukeun.[1] Taun 1896 anjeunna ngaragakeun pakakas timuanna di Inggris jeung mimiti meunangkeun hak patén pikeun timuanna. Marconi tuluy ngadirikeun perusahaan jeung "Marconi" mimiti ngirim taun 1898.[1] Taun hareupna anjeunna geus bisa ngirimkeun warta teu ngaliwatan kawat nyebrangan Selat Inggris.[1] Sanajan patén nu pentingna ditarima taun 1900 Marconi tuluy nyieun jeung maténkeun loba kasampurnaan tina timuan-timuanna.[2] Dina taun 1901 anjeunna sukses ngirim warta radio ngaliwatan Samudera Atlantik ti Inggris ka Newfounland.[2]
Ma'na penting tina timuan anyarna ieu, sacara dramatisna dilukiskeunn di taun 1909 nalika Kapal S.S Republic ruksak ku sabab tabrakan jeung titeuleum ka dasar laut. warta radio kacida ngabantuna, sakabéh panumpangna bisa disalamatkeun iwal ti 6 urang.[1] Di taun nu sarua, Marconi meunangkeun pangajén Nobel pikeun timuanna.[1][3] Di taun saeunggeusna anjeunna geus bisa ngirimkeun warta radio ti Irlandia ka Argentina, jarak nu leuwih ti 6.000 mil.[1]
Sakabéh warta ieu dikirim ku tanda-tanda sistem Marconi. Sakumaha nu dipikanyaho, sora éta bisa dikirim ngaliwatan radio, tapi hal éta kakara bisa kalaksanakeun di taun 1915 an.[1] Siaran radio dina skala komersial mimiti dijomantarakeun (ind: yang mengudara) awal taun 20-an, tapi kapopuleranana jeung harti pentinngna tumuwuh kacida gancanngna.[1]
Hiji timuan nu hak paténna miboga ajén luur nu ngakibatkeun pacéngkadan di Pangadilan. Tapi sakabéh pasualan leungit sorangan sanggeus taun 1914 nalika Pangadilan ngaku hak-hak Marconi. Dina taun saterusna, Marconi ngalakukeun ogé panalungtikan penting di widang gelombang pondok jeung komunikasi microwave.[1] Anjeunna tilar dunya di Roma taun 1937.[1]
Rujukan
[édit | édit sumber]- ↑ a b c d e f g h i j k l m n o p CNN. Italy honour briliant son marcony Archived 2022-04-10 di Wayback Machine. Diaksés ping 2 Oktober 2017.
- ↑ a b BBC. Poldhu calling Newfoundland Diaksés ping 2 Oktober 2017
- ↑ The Nobel Prize in Physics 1909 Diaksés ping 2 Oktober 2017
Tutumbu Kaluar
[édit | édit sumber]- (en) Nobel: Guglielmo Marconi – Biografi
- (en) Marconi Calling Archived 2008-05-17 di Wayback Machine dari Marconi Corporation
- (en) Guglielmo Marconi
