Gugunungan
Gugunungan nyaéta kaulinan paluhur-luhur nyieun gugunungan tina taneuh, ilaharna mah dipaénkeun ku barudak lalaki. [1]Tempatna diburuan nu taneuhna lembut ( taneuh ngebul ).[1] Nu nyararieunna naragog atawa dariuk dina taneuh.[1] Mimitina nyiduh heula, terus dipurulukan taneuh.[1] Kituna téh sok bari ngarawih, lila-lila taneuh nu dipuruluk-purulukeun téh maruncunung, maracunghul.[1] Mun geus anggeus nyieun gugununganana sok terus patempo-tempo, nu saha nu pangluhurna. [1]
Kawihna
[édit | édit sumber]Biasana téh sok bari ngarawih ieu di handap:[1]
Paluhur-luhur gunung
pahandap-handap gobang
paluhur-luhur gunung
pahandap-handap gobang
(kitu baé sababaraha balikan)
Rujukan
[édit | édit sumber]- ↑ a b c d e f g Drs Ahmad Hadi, Dkk (2009). PEPERENIAN. Bandung: Geger Sunten. p. 239. ISBN 978-602-7784-11-6.
|
Artikel ngeunaan Sunda ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |