Mozilla Firefox

Ti Wikipédia, énsiklopédia bébas
Luncat ka: pituduh, sungsi
  Mozilla Firefox
Firefox Screenshot Linux.PNG
Mozilla Firefox 29.0 di Lubuntu 14.04
Nu ngamekarkeun: Mozilla Corporation / Mozilla Foundation
Sistim operasi: antar-platform
Jinis: Penjelajah web
Lisensi: Mozilla EULA untuk distribusi biner
Situs web: http://www.mozilla.com/firefox/

Mozilla Firefox (ngaran aslina Phoenix jeung saterusna -pikeun saheulanan- dipikawanoh salaku Mozilla Firebird) nyaeta panyungsi web antar-platform haratis anu dimekarkeun ku Yayasan Mozilla jeung ratusan sukarelawan. Samemeh kaluar versi 1.0-na dina tanggal 9 November 2004, Firefox geus meunang pamapag anu hade pisan ti pihak media, kaasup ti Forbes jeung Wall Street Journal. [1] [2] Anu leuwih ti 5 juta unjalan (download) dina jero 12 poe mimiti rilisna jeung 6 juta nepi ka 24 November 2004, Firefox 1.0 jadi salah sahiji parabot lemes haratis, sumber-muka (open-source) anu panglobana dipake di antara pamake anu di imah. [3]

Ngaliwatan Firefox, Yayasan Mozilla mibanda tujuan pikeun ngamekarkeun panyungsi loka anu leutik, gancang, basajan, jeung kacida bisa dimekarkeun (misah tina Mozilla Suite anu leuwih badag). Firefox geus jadi fokus utama mekarna Mozilla babarengan jeung client e-mail Mozilla Thunderbird, jeung geus jadi gaganti Mozilla Suite salaku panyungsi resmi Yayasan Mozilla.

Di antara fitur populer Firefox nyaeta pakakas panghalang pop-up anu geus dipasang jeroeunana, jeung hiji mekanisme pamekar (extension) pikeun nambahan fungsionalitas panambah. Sok sanajan eta fitur-fitur teh geus lila nyampak dina panyungsi-panyungsi lianna kayaning Mozilla Suite jeung Opera, Firefox mangrupa browser anu munggaran meunang pamapag sakitu lobana. Firefox ditargetkeun pikeun narik kurang leuwih 10% pangsa pasar Internet Explorer anu dikaluarkeun ku Microsoft (panyungsi pangpopulerna anu meunang bagean pasar anu badag (per 2004) nepi ka taun 2005, anu rereana jalma pada nyarebut taun mulangna deui perang panyungsi. [4]

Firefox geus meunang pangajen salaku alternatif ti Internet Explorer ti saprak Explorer dikecam lantaran dituduh kurang tumaninah—pihak anu satuju kana eta anggapan nyebutkeun yen Explorer henteu nuturkeun standar Loka, ngagunakeun komponen ActiveX anu remen ngabahayakeun, jeung aya kahengker pelebah spyware jeung malware anu dipasangna—jeung kurangna fitur-fitur anu penting ceuk anggapan pamake Firefox. [5] Microsoft sorangan geus mere respon, majarkeuna teh eta isu-isu kaamanan jeung fitur Explorer henteu kudu dipikarempan. [6].

Mozilla Firefox ayeuna geus nepi kana versi 2.0. dina versi 2.0, Mozilla mibanda bug (kahengker) nyaeta bakal "crash" lamun muka kacaloka (Web Page) anu kacida badag jeung mibanda JavaScript, tapi eta hal geus dibebener. [1]

Tingali ogé[édit | sunting sumber]

Referensi[édit | sunting sumber]

Tumbu luar[édit | sunting sumber]