Percobaan Millikan

Ti Wikipédia, énsiklopédia bébas basa Sunda
Luncat ka: pituduh, sungsi
Skéma percobaan tétésan minyak Millikan anu disederhanakeun.

Percobaan Millikan atawa dipikawanoh ogé minangka Percobaan tétésan-minyak (1909) waktu éta dirarancang pikeun ngukur muatan listrik éléktron. Robert Millikan ngalakonan percobaan kasebut kalawan nyaimbangkeun gaya-gaya antara gaya gravitasi jeung gaya listrik dina satétés leutik minyak anu aya di antara dua pelat éléktroda. Kalawan mikanyaho badagna médan listrik, muatan dina tétésan minyak anu diragragkeun (droplet) bisa ditangtukeun. Kalawan mindo éksperimén ieu nepi ka sababaraha kali, manéhna manggihan yén harga-harga anu kaukur sok mangrupakeun kalipetan ti hiji bilangan anu sarua. Manéhna tuluy nafsirkeun yén bilangan ieu téh muatan ti hiji éléktron: 1.602 × 10−19 coulomb (hijian SI pikeun muatan listrik).

Taun 1923, Millikan meunangkeun sabagian pangajén nobel widang fisika alatan percobaanana ieu. Ekspérimen ieu saprak harita mindeng dilakukeun deui ku generasi-generasi saenggeusna, sanajan kitu rada hésé sarta mahal pikeun ngalakonan ékspérimen ieu kalawan persis.

Tumbu kaluar jeung rujukan[édit | sunting sumber]