Qin Shi Huang

Ti Wikipédia, énsiklopédia bébas
Luncat ka: pituduh, sungsi
Lukisan Kaisar Qin Shi Huang

Qin Shi Huang (Hanzi: 秦始皇) (Nopémber atawa Désémber taun 260 SM - 10 Séptémber taun 210 SM), dilahirkeun kalayan ngaran Ying Zheng (贏政), ogé katelah Shi Huang Di anu hartina nyaéta Kaisar Kahiji, nyaéta raja ti Nagara Qin ti taun 247 SM nepi ka taun 221 SM, sanggeus ngahijikeun Tiongkok ku cara nalukkeun 6 nagara séjénna, manéhna saterusna ngadegkeun Dinasti Qin sarta ngangkat dirina jadi kaisar ti Tiongkok anu ngahiji - ti taun 221 SM nepi ka taun 210 SM - naék tahta kalayan sebutan Kaisar Kahiji.

Sanggeus ngahijikeun Tiongkok, manéhna jeung perdana menterina Li Si ngaluarkeun sagala rupa parobahan anu ditujukan pikeun nguatkeun persatuan, sarta maranéhanana ngajalankeun loba réformasi dina pamaréntahan, ngahijikeun aksara atawa tulisan baku, pakakas ukur baku sarta ogé neruskeun pangwangunan Tembok Gedé anu geus aya saprak Jaman Nagara-nagara nu Perang. Sanajan ku cara kakawasaan leungeun beusi, Qin Shi Huang masih dianggap ku sajarah Tiongkok nepi ka ayeuna minangka pangadeg Tiongkok mangsa katukang. Persatuan bangsa Tiongkok geus lumangsung leuwih ti dua rébu taun.

Pati[édit | sunting sumber]

Kaisar Kahiji pupus waktu ngalakonan ékspédisi ka sakuliah nagri. Lalampahan ieu dipigawé pikeun narik haté rahayat sarta para adipati jeung pangéran ti nagara-nagara anu ditalukkeunana. Di satengahing lalampahan manéhna papanggih deui jeung Xu Fu , saurang anu diparéntah ku manéhna pikeun néangan "ubar kalanggengan" atawa disebut ogé "ubar panjang umur". Pikeun nyingkahan kaambek sang kaisar , Xu Fu nangkis kalayan ngomong yén lalampahan pikeun néangan ubar kasebut pohara hésé alatan ubar kasebut aya di puncak gunung hiji pulo di tengah lautan. Xu Fu boga rencana subaya ti pancén kaisar kasebut kalayan ngomong yén kaisar kudu néwak hiji lauk raksasa heula, tapi kalayan wani kaisar junun manah hiji lauk raksasa sarta Xu Fu kudu nurutkeun pancén kaisar. Sanajan kumaha ogé Xu Fu anu geus ngira yén manéhna moal bisa manggihan ubar kalanggengan sarta lamun manéhna balik teu nangan, mangka kaisar pasti baris maéhan manéhna. Manéhna kalayan gumbira narima pancén ti kaisar kasebut kalayan sarat kaisar milukeun 500 muda-mudi dina lalampahanana pikeun diwadalkeun ka déwa. Tapi Xu Fu balayar tapi henteu kungsi balik. Kira-kira Xu Fu badarat di Jepang.

Kaisar pupus sarta hayangeun anak kahiji nu ngaranna Fusu anu ngagantikeunana. Tapi talatah kaisar kahiji kasebut henteu kungsi katedunan alatan Zhao Gao , kasim kapercayaan sakaligus duta talatah pamungkas kaisar kahiji sakongkol jeung Li Si pikeun ngarobah talatah kaisar kahiji sahingga ngangkat anak ka-26 kaisar kahiji nu ngaranna Huhai ngagantikeun bapana sarta nitah Fusu jeung Jenderal Meng Tian maéhan manéh kalayan tuduhan ngalakonan karaman. Zhao Gao ngalakonan hal ieu alatan manéhna hayang ngabéla kalungguhanana alatan manéhna pan diturunkeun tina jabatanna lamun kanyahoan resep ngalétak bujur sarta korup ku Fusu sedangkan Lisi ku alatan manéhna kungsi mumusuhan jeung Fusu waktu nungkulan masalah élmuwan aliran Konfusius.