Queen

Ti Wikipédia Sunda, énsiklopédi bébas
Konsér Queen di Frankfurt, Jerman, 26 Séptémber 1964

Queen nyaéta grup musik heavy metal anu diadegkeun taun 1970 di London, Inggris ku Freddie Mercury (vokal jeung piano), Brian May (Gitar), Roger Tylor (drum), jeung John Deacon (bass)[1][2]. Taun 1972, Queen nyieun kontrak jeung label rekaman EMI, terus album perdana anu dingaranan Queen dirilis taun 1973[1][2].

Album kaduana Queen II bisa asup ka peringkat 5 besar dina British Album Charts kalayan singel Seven Seas of Rhye, tapi angka nu kajualna mah teu pati béda jeung album pertamana[1]. Ahirna dina taun 1974 Queen mulai kasohor ku album Sheer Heart Attack[1][2]. Ieu album aya dina peringkat nomer 2 di Inggris jeung bisa tembus ka Amerika Sarikat kalayan singel Killer Queen[1][2]. Album A Night At The Opera dirilis taun 1975, ieu album meunangkeun 3 platinum di Amérika Serikat[1][2]. Ieu album ogé nempatan posisi nomer 5 di Amérika jeung nomer 1 di Inggris[2]. Singel anu durasina 7 menit kalayan Bohemian Rhapsody kapilih jadi lagu pangalusna sapanjang mangsa[1].

Album A Day at The Race dirilis taun 1976 kalayan singel Somebody To Love, diteruskeun ku album News Of The World dina taun 1977 kalayan singel We Will Rock You jeung We Are The Champion[2]. Dina taun 1978, Queen ngarilis album Jazz, singelna nyaéta Fat Bottomed Girls jeung Bicycle Race, diteruskeun ku album-album séjénna anu nyieun Queen jadi suksés[2].

Grup musik anu tara gonta-ganti personil ieu téh henteu produktip deui sabada vokalisna, Freddy Mercury maot di ahir taun 1991[1]. Sésa personil nu aya nétélakeun yén Queen moal néang vokalis anyar deui[1]. Formasi Queen anu kacutat ayeuna nyaéta Brian May jeung Roger Taylor wungkul, sedengkeun John Déacon leuwih milih pangsiun ti Dunya Musik[1].

Référénsi[édit | édit sumber]

  1. a b c d e f g h i j Profil Queen -kapanlagi.com (diaksés tanggal 26 Nopémber 2011)
  2. a b c d e f g h Queen Band - Infoseleb Archived 2012-03-01 di Wayback Machine(diaksés tanggal 26 Nopémber 2011)