Réaktansi

Ti Wikipédia Sunda, énsiklopédi bébas


Artikel ieu ngeunaan éléktronika. Keur artikel nu patali jeung "réaktif" atawa "réaktansi" dina widang kimia, tempo réaktivitas.
Keur sawala ngeunaan konsép psikologi réaktansi, tempo réaktansi (psikologi).

Dina analisis rangkéyan atawa sirkuit listrik arus bulak-balik (contona sirkuit séri RLC), réaktansi mangrupa bagian imajinér tina impedansi, sarta disababkeun ku ayana induktor atawa kapasitor dina sirkuit. Réaktansi jeung résistansi (hambatan) perlukeun pikeun nangtukeun impedansi sirkuit, sanajan dina sababaraha hal réaktansi bisa waé leuwih dominan. Réaktansi dilambangkeun X sarta diukur dina satuan ohm.

  • Lamun X > 0, réaktansi disebut induktif.
  • Lamun X = 0, sirkuit murni résistif, hartina teu miboga réaktansi.
  • Lamun X < 0, disebut kapasitif.

Hubungan antara impedansi, résistansi, jeung réaktansi ditunjukkeun ku persamaan

di mana

Z nyaéta impedansi dina ohm,
R nyaéta résistansi dina ohm,
X nyaéta réaktansi dina ohm,
sarta j nyaéta unit imajinér .

Sering ogé cukup ku gedéna impedansi:

Keur élemén nu murni induktif atawa kapasitif, gedéna impedansi dibasajankeun jadi ngan saukur réaktansi.

Réaktansi ditunjukkeun ku

nu mana jeung nyaéta réaktansi induktif jeung kapasitif, patuturut.

Réaktansi induktif (simbolna XL) disababkeun ku ayana arus nu dibarengan ku médan magnet. Lantaran kitu, arus listrik nu robah-robah bakal dibarengan ku robah-robahna médan magnet. Hal ieu ngabalukarkeun ayana gaya éléktromotif nu nahan parobahan arus. Beuki gedé parobahan arus, beuki kuat ogé tahanan ti induktor. Gedéna réaktansi sabanding jeung frékuensi (atawa enol pikeun arus saarah). Aya ogé béda fasa antara arus jeung tegangan.

Réaktansi induktif rumusna:

nu mana:

XL réaktansi induktif, diukur dina ohm.
ω frékuénsi sudut, diukur dina radian per detik
f frékuénsi bolak-balikna arus atawa tegangan, diukur dina hertz
L induktansi, diukur dina henry

Réaktansi kapasitif (simbolna XC) némbongkeun fakta yén éléktron teu bisaeun ngaliwatan hiji kapasitor, tapi arus bolak-balik bisa ngaliwatan sacara éféktif, beuki luhur frékuénsina, beuki alus. Aya ogé béda fasa antara arus bolak-balik nu ngaliwatan kapasitor jeung tegangan atawa béda poténsial antara dua éléktrodana.

Réaktansi kapasitif rumusna:

nu mana:

XC réaktansi kapasitif nu diukur dina ohm
C kapasitansi, diukur dina farads
ω jeung f siga dina rumus réaktansi induktif.

Référénsi[édit | édit sumber]

[1] Pohl R. W. Elektrizitätslehre. - Berlin-Gottingen-Heidelberg: Springer-Verlag, 1960.

[2] Popov V. P. The Principles of Theory of Circuits. - M.: Higher School, 1985, 496 p. (In Russian).

[3] Küpfmüller K. Einführung in die theoretische Elektrotechnik, Springer-Verlag, 1959.

Tempo ogé[édit | édit sumber]

Tumbu luar[édit | édit sumber]