Badan Standardisasi Nasional
Badan Standardisasi Nasional, disingket BSN, nyaéta Lambaga Pamaréntah Non Departemén Indonesia anu boga pancén ngalaksanakeun tugas pamaréntahan dina widang standardisasi. BSN boga fungsi utama pikeun ngamekarkeun Standar Nasional Indonesia (SNI). Kapala BSN kiwari nyaéta Ir. Imam Sudarwo
Badan Standardisasi Nasional dijieun ngaliwatan Kaputusan Présidén Nomer 13 Taun 1997 anu disampurnakeun ku Kaputusan Présidén Nomer 166 Taun 2000 ngeunaan Kalungguhan, Pancén, Fungsi, Kawenang, Susunan Organisasi sarta Tata Gawé Lambaga Pamaréntah Non Departemén sakumaha geus sababaraha kali dirobah sarta anu pamungkas ku Kaputusan Présidén Nomer 103 Taun 2001, mangrupa Lambaga Pamaréntah Non Departemén kalayan pancén poko ngembangkeun sarta ngabina kagiatan standardisasi di Indonésia. Lambaga ieu ngagantikeun fungsi Déwan Standardisasi Nasional – DSN. Dina ngalaksanakeun pancénna Badan Standardisasi Nasional maké rujukan Aturan Pamaréntah Nomer 102 Taun 2000 ngeunaan Standardisasi Nasional.
Palaksanaan pancén sarta fungsi Badan Standardisasi Nasional dina widang akréditasi dipigawé ku Komite Akréditasi Nasional (KAN). KAN miboga pancén netepkeun akréditasi sarta méré tinimbangan sarta bongbolongan ka BSN dina netepkeun sistem akréditasi sarta sértifikasi. Sedengkeun palaksanaan pancén sarta fungsi BSN dina widang Standar Nasional pikeun Hijian Ukuran dipigawé ku Komite Standar Nasional pikeun Hijian Ukuran (KSNSU). KSNSU miboga pancén méré tinimbangan sarta bongbolongan ka BSN ngeunaan standar nasional pikeun hijian ukuran. Luyu jeung tujuan utama standardisasi nyaéta nangtayungan produsén, konsumén, tanaga gawé sarta masarakat tina aspék kaamanan, kasalametan, kaséhatan sarta pelestarian fungsi lingkungan, pangaturan standardisasi sacara nasional ieu dipigawé dina raraga ngawangun sistem nasional anu sanggup ngadorong sarta ngaronjatkeun, ngajamin mutu barang sarta/atawa jasa jeung sanggup jadi fasilitas keberterimaan produk nasional dina transaksi pasar global. Tina sistem jeung kaayaan kasebut diharepkeun bisa ngaronjatkeun daya saing produk barang sarta/atawa jasa Indonésia di pasar global.
VISI
[édit | édit sumber]Visi Taun 2009: SNI jadi standar nasional anu éféktif pikeun nguatkeun daya saing nasional, ngaronjatkeun transparansi sarta éfisiési pasar, sakaligus nangtayungan kasalametan konsumén, kaséhatan masarakat, kelestarian fungsi lingkungan sarta kaamanan.
MISI
[édit | édit sumber]Saluyu jeung visi kasebut di luhur, mangka misi BSN nyaéta méré kontribusi pasti dina pangwangunan ékonomi ngaliwatan:
- Ngembangkeun sarta nguatkeun kalambagaan sarta infrastruktur standardisasi
- Ngembangkeun prosés anu kabuka, transparan, sarta henteu ngabiluk ka pamangku kapentingan pikeun partisipasi, nepikeun kapentingan sarta méré sora maranéhanana dina ngembangkeun SNI
- Ngaronjatkeun kasadaran balaréa ngeunaan mangpaat SNI dina kagiatan profésional sarta kahirupan sapopoé
- Nyadiakeun pangrojong sarta fasilitasi pikeun panerapan SNI
- Ngaronjatkeun gawé bareng dina wengkuan internasional dina widang standardisasi
- Ngembangkeun pangaweruh sarta kaahlian dina widang standardisasi
Fungsi BSN
[édit | édit sumber]- ngaji sarta nyusunan kawijakan nasional dina widang standardisasi nasional;
- koordinasi kagiatan fungsional dina palaksanaan pancén BSN;
- fasilitasi sarta ngabina kagiatan instansi pamaréntah dina widang standardisasi
nasional;
- palaksanaan kagiatan gawé bareng dina wengkuan jero nagara sarta internasional dina widang
standardisasi;
- palaksanaan binaan sarta layanan administrasi umum dina widang parencanaan
umum, katatausahaan, organisasi sarta tatalaksana, kapagawéan, kauangan, kéarsipan, hukum, sasandian, perlengkapan jeung rumah tangga.
Tumbu kaluar
[édit | édit sumber]- (id) Situs resmi
