Iyar Wiarsih
Iyar Wiarsih nyaéta juru kawih jeung pangarang lagu kawih anu lahir di Bandung ping 21 Séptember taun 1932. Manéhna diajar ngawih ti umur 9 taun ka uana nyaéta R.Sumpenah, tuluy diajar ka Bapa Sastra taun 1942. Pernah ogé diaping ku Atmaja ngeunaan palakiah jadi Sindén anu bener. Taun 1944 diajar ka Ursih di Katapang, Bandung. Ti Arnésah manéhna diajar ngeunaan pangecapan tembang anu bener, ogé ngeunaan sikep, paripolah, sarta cara maké raksukan nu sopan, basajan jeung pikaresepeun[1]
Lalampahan Karir[édit | édit sumber]
Taun 1947 mimiti jadi juru kawih gamelan "Sekar Arum" anu dipimpin ku Moh.Raida, taun 1950 jadi juru kawih gamelan "Satia Manah" pimpinan Oman Suganda, taun 1958 jadi juru kawih gamelan "Sundayana" anu dipimpin ku salakina nyaéta A.Warsa Muharam, jeung taun 1965 jadi juru kawih gamelan "Gilang Kancana" pimpinan R.M. Yunus. Aranna mimiti dipikawanoh saprak sok siaran di RRI Bandung. Lagu-lagu anu dijieunna kacida lobana, diantarana "Metik Kembang" (1954), "Wayahna" (1956), Mojang Priangan" (1960) jeung sajabana.
Daptar Rujukan[édit | édit sumber]
- ↑ Rosidi, Ajip, 1938-; Pustaka Jaya (Firm) (2000). Ensiklopedi Sunda : alam, manusia, dan budaya, termasuk budaya Cirebon dan Betawi (Cet. 1 ed.). [Jakarta]: Pustaka Jaya. ISBN 979-419-259-7. OCLC 45463431.