0G

Ti Wikipédia, énsiklopédia bébas
(dialihkeun ti Mobile radio telephone)
Luncat ka: pituduh, paluruh
Standar
telepon mobil jeung data
Kulawarga GSM / UMTS
2G
3G
Pre-4G
Kulawarga cdmaOne / CDMA2000
2G
3G
Pre-4G
Tehnologi sejen
0G
1G
2G
Pre-4G
Pita frékuénsi

0G, singkatan tina kecap-kecap basa Inggris zero generation nu hartina generasi ka-0, nyaéta sebutan pikeun sistem atawa téknologi telepon radio mobil munggaran nu miheulaan téknologi telepon mobil sélulér 1G anu leuwih mutahir. Téknologi-téknologi anu digunakeun dina sistem 0G téh nyaéta Push to Talk (PTT atawa manual), Mobile Telephone System (MTS), Improved Mobile Telephone Service (IMTS), katut Advanced Mobile Telephone System (AMTS).

Sistem 0G bisa dibédakeun jeung sistem telepon radio tertutup nu leuwih tiheula aya (saperti sistem radio boga pulisi atawa sistem radio dina mobil taksi) dina harti yén sistem 0G mah sadia sacara komérsil (mangrupa bagian tina public switched telephone network) lengkep jeung nomer teleponna.

Telepon 0G biasana digantungkeun dina jero mobil atawa treuk, sanajan modél briefcase ogé aya sadia.

Conto téknologi ieu di antarana:

  • Motorola nu babarengan jeung Bell System nawarkeun layanan telepon mobil komérsil munggaran di AS dina taun 1946.
  • Sistem otomatis munggaran nyaéta IMTS bogana Bell System anu sadia dina taun 1962, sarta nawarkeun automatic dialing.
  • Televerket mimiti ngajalankeun sistem telepon mobil manual munggaran di Norwégia dina taun 1966. Norwégia satuluyna jadi nagara munggaran di Éropah nu maké sistem telepon mobil otomatis.
  • Autoradiopuhelin (ARP) anu ditawarkeun dina taun 1971 di Finlandia salaku jaringan telepon mobil komérsil pikeun publik di ieu nagara.
  • B-Netz nu ditawarkeun dina taun 1972 di Jérman Kulon (nu teu merlukeun operator manusa pikeun ngahubungkeun para langganan).

Tempo ogé[édit | édit sumber]

Tumbu ka luar[édit | édit sumber]