Témbongkeun sumber pikeun Muhammad

{{Islam}}
{{geulis}}
[[File:Mohammad SAW.svg|thumb]]
: ''"Muhammad" geus jadi ngaran nu ilahar dipaké ku lalaki [[muslim]].''

'''Muhammad''' {{Audio|Ar-muhammad.ogg|listen}} ([[Aksara Arab]]: '''محمد''', nu [[alih aksara|dialihaksarakeun]] dina [[basa Latin|aksara Latin]] jadi '''''Mohammad''''', '''''Mohammed''''', '''''Muhammed''''', '''''Muhamad''''', atawa '''''Mahomet''''', [[Aksara Sunda]]: '''ᮙᮥᮠᮙ᮪ᮙᮓ᮪''') dianggap ku umat  [[Islam]] salaku [[rosul]]/utusan Gusti nu pangangeusan/ahir. Numutkeun babad salira (biografi) nu disebut [[siroh]] ([[basa Arab]]), anjeunna dibabarkeun tina tanggal [[20 April 570]] di [[Mekah]], pupus di [[Madinah]] [[8 Juni]] [[632]], nu duanana aya di wewengkon kalér Arab.
  
Umat Islam percaya yén pancén Muhammad nyaéta pikeun nyampurnakeun agama [[tauhid]] ([[monotéisme]]), nyaéta Islam, nu geus diajarkeun/didugikeun ku para nabi saméméhna, sarta yakin yén Islam geus aya saméméh anjeunna. Nalika disebutkeun ngaran anjeunna, umat Islam biasa nuturkeun ku kalimah ''sallallahu `alayhi wa s-salām'' (saw., "mugia Gusti Alloh maparinkeun kasalametan ka anjeunna").

== Ringkesan ==

Muhammad waktu keur ngora kungsi jadi sudagar nu ngumbara ka mana-mana. Dina taun [[610]], dina yuswa 40, anjeunna narima [[wahyu]], nu ku anjeunna digambarkeun yén anjeunna kadatangan [[Malaikat]] [[Jibril]], nu ngadugikeun paréntah Pangéran sangkan ngapalkeun sarta ngadugikeun ayat-ayat nu salajengna dikumpulkeun salaku [[Qur'an]]. Anjeunna salajengna ngalegaan udaganana, da'wah ngeunaan katauhidan jeung [[Poé Balitungan]] pikeun jalma nu sok nyieun [[dosa]] sarta sok nyembah-nyembah berhala — kawas séké sélér jeung tatanggana di Mekah. Anjeunna teu nolak sagemblengna ajaran [[Yahudi]] jeung [[Kristen]], atawa agama monotéis séjén nu dipikawanoh di Arab; anjeunna mung pikeun ngalengkepan sarta nyampurnakeun ajaranana. Dina taun [[622]] anjeunna [[hijrah|ngungsi]], bareng jeung warga séjénna nu geus ariman, ninggalkeun Mekah nuju ka Madinah, tempat nu salajengna anjeunna ngadegkeun pamaréntahan masarakat Islam. Perang antara Mekah jeung madinah sababaraha kali lumangsung, nu pamustunganana pasukan Islam bisa balik deui nalukkeun Mekah. Pasukan Islam ieu salajengna bajoang nalukkeun kaom [[paganisme|pagan]] séjénna di Tatar Arab. Nalika Muhammad pupus, anjeunna tos hasil ngahijikeun Tatar Arab sarta ngintunkeun sababaraha ékspédisi ka wewengkon kalér, ka [[Suriah]] jeung [[Paléstina]].

Dina [[khalifah|kapamingpinan]] satutasna Muhammad, kakawasaan Islam geus nepi ka Paléstina, Siria, [[Mésopotamia]], [[Pérsia]], [[Mesir]], [[Nagri Magribi|Afrika Kalér]], jeung [[Spanyol]]. Panalukan salajengna, kontak dagang antara Muslim jeung non-Muslim, sarta kagiatan da'wah geus hasil nyebarkeun Islam ka sakuliah dunya.

== Kumaha bisa nyaho ngeunaan Muhammad? ==

Sumber-sumber rujukan nu bisa ngémbarkeun ngeunaan Muhammad nyaéta [[Qur'an]], babad salira [[siroh]], jeung kumpulan [[hadith]]. Najan lain mangrupa babad salira Muhammad, Qur'an méré sababaraha émbaran ngeunaan kahirupanana. Babad salira nu munggaran nyaéta karya [[Ibnu Ishaq]] (pupus [[768]]), diédit ku [[Ibnu Hisham]] (pupus [[833]]); jeung karya [[al-Waqidi]] (pupus [[822]]). Ibnu Ishaq nulis babad salira Muhammad kira 120 - 130 taun sapupusna Muhammad. Sumber katilu, kumpulan [[hadits]], saperti Qur'an, lain samata-mata biografi. Hadits nyaéta kumpulan sasanggeman sarta laku lampah Muhammad sarta para sahabatna.

Sababaraha sarjana sképtik ([[Ignaz Goldziher|Goldziher]], Schacht, [[John Wansbrough|Wansbrough]], Cook, [[Patricia Crone|Crone]], Rippin, Berg, jeung nu lianna) ngarasa mangmang kana kabisapercayaan sumber-sumber di luhur, utamana kumpulan hadits. Nu jadi alesan nyaéta nalika tradisi lisan ieu dikumpulkeun, masarakat Muslim geus bengkah jadi sababaraha madhab pamikiran. Unggal kelompok jeung madhab boga séwang-séwangan nu eusina mindeng patukang tonggong. Pikeun para sarjana Muslim, hal ieu nimbulkeun tangtangan pikeun nalungtik bebeneran kalawan leuwih anteb maké cara-cara modérn.

Loba sarjana Muslim jeung non-Muslim nu sapuk kana ayana (loba) tradisi nu teu oténtik/asli ngeunaan kahirupan Muhammad dina kumpulan haditsna (Malah, kabiasaan/tradisi ieu ''lolobana'' dicaritakeun ku otoritas Muslim nu dianggap ''lemah''; ngan saeutik kumpulan hadits nu dianggap ''sahih'', atawa bisa dipercaya; pikeun leuwih lengkep, buka [[élmu hadits]]).

Tapi, kaasup pikeun nu sképtik, ringkesan kasajarahan jeung babad salira nu dituliskeun di luhur bisa ditarima.

== Kahirupan Muhammad numutkeun Siroh ==

=== Silsilah Muhammad ===

Numutkeun tradisi, Muhammad nyusud [[silsilah]]na nepi ka [[Adnan]], nu dipercaya ku urang Arab kalér salaku karuhunna. Kasebutkeun yén Adnan téh turunan [[Ismail]] putra [[Ibrahim]], najan silsilah pastina mah teu jéntré. Silsilah Rosululloh dugi ka Adnan nyaéta:

Muhammad bin [[Abdulloh bin Abdul Mutolib|Abdulloh]] bin [[Abdul Mutolib]] (Shaiba) bin [[Hashim]] (Amr) bin Abdul Manaf (al-Mughira) bin Qusai (Zaid) bin Kilab bin Murra bin Ka`b bin Lu'ay bin Ghalib bin Fahr ([[Quraish]]) bin Malik bin an-Nadr (Qais) bin Kinana bin Khuzaimah bin Mudrikah (Amir) bin Ilyas bin [[Mudar]] bin Nizar bin Ma`ad bin [[Adnan]]. (bin = "putra" dina basa Arab; ngaran séjén jalma nu dua ngaranna disebut dina kurung.)

=== Keur budak ===

Muhammad lahir ti kulawarga aya nu matuh di Arab kalér nu disebut [[Mekah]]. Dumasar itungan, anjeunna kira-kira lahir [[20 April]] [[570]]; nu dumasar tradisi katelah [[Taun Gajah]]. Ramana, Abdulloh, pupus saméméh anjeunna babar antukna Muhammad dirorok ku akina ti bapa [[Abdul Mutolib]], pamingpin bangsa [[Quraisy]]. Luyu jeung kabiasaan urang Mekah, ibuna ngirim anjeunna ka pilemburan sangkan disusuan sarta dirorok ku urang Baduy. Hawa pilemburan leuwih bérésih batan di Mekah, jeung karasa yén dina iklim kieu, urang kota baris mibanda awal nu leuwih kokoh dina kahirupanna. Dina yuswa genep taun Muhammad dikantun pupus ku ibuna, Aminah, sarta akina, Abdul Mutolib, dina yuswa dalapan taun. Salajengna Muhammad dirawatan ku pamanna [[Abu Tolib]], pamingpin anyar bani [[Hasyim]] bangsa Quraisy, nu pangkuatna di Mekah.

Mekah mangrupa puseur dagang nu penting, salah sahijina ku sabab ayana [[Ka'bah]] salaku tujuan jarah. Para sudagar ti rupa-rupa suku bakal datang dina mangsa usum jarah, nalika perang antarsuku dicaram pisan antukna dadagangan bisa aman jeung teu kaganggu.

Salaku rumaja Muhammad mimiti marengan pamanna dagang ngumbara ka Suriah, antukna anjeunna boga pangaweruh lega ngeunaan sabudeureunana.

=== Manjing sawawa ===

Salah saurang dunungan Muhammad nyaéta [[Siti Khodijah binti Khuwailid|Siti Khodijah]], rangda beunghar umur 40 taun. Dina yuswa 25 taun, anjeunna nikah ka Khodijah ([[595]]). Tina nikah ieu anjeunna jadi beunghar, najan ti kulawarga bapana, anjeunna teu nampa warisan.

Catetan ''siroh'' nunjukkeun yén Khodijah jeung Muhammad gaduh lima putra, hiji lalaki jeung opat awéwé. Sababaraha ahli sajarah ngabantah yén sababaraha anak awéwéna sabenerna ti salaki nu kadua, sedengkeun ahli séjénna keukeuh yén sadayana putra Muhammad. Lima putra éta babar sateuacanna Muhammad mimiti da'wah Islam. Putrana ''Qasim'' pupus dina yuswa dua taun. Muhammad dilandih ''Abul Qasim'', nu hartina bapana Qasim. Putra nu opat nyaéta ''Zainab'', ''Ruqayah'', ''Ummu Kulsum'', jeung ''[[Fatimah Zahra|Fatimah]]''.

{{Kulawarga Nabi Muhammad}}

=== Mitembeyan da'wah ===
[[Gambar:Cave_Hira.jpg|thumb|left|150px|Guha Hiro numana, dumasar tradisi Muslim, Muhammad narima wahyu munggaran.]]
Muhammad mindeng niiskeun pikir di hiji guha deukeut Mekah. Kira taun [[610]], nalika niis, Muhammad kadatangan Malaikat Jibril sarta ngadangukeun sasanggemanana nu hartina "Baca, kalawan asma Alloh, Gusti nu Maha Nyipta. Nu nyiptakeun manusa tina saguruntul getih. Baca, kalawan asma Gusti nu Maha Ngawulang. Nu ngawulangkeun élmu migunakeun kalam; Nu ngajarkeun ka manusa sagala rupa nu teu dipikanyaho." (Tingal surat ''[[Al-Alaq]]'' pikeun lengkepna.)

Pangalaman munggaran jeung Jibril ieu matak ngaganggu kana pipikiran Muhammad, tapi Khodijah istrina ngayakinkeun jeung percaya yén ieu pangalaman téh bener; salajengna Khadijah jadi nu munggaran iman ka Muhammad. Khodijah salajengna dituturkeun ku adi sabrayna Muhammad nu kakara sapuluh taun [[Ali bin Abi Tolib]] sarta sobatna [[Abu Bakar]].

Dugi ka pupusna, Muhammad sering nampi wahyu, najan antara nu munggaran jeung nu kadua aya jarak wanci nu lila. Nalika mangsa nunggu nu matak melang ieu, anjeunna nampa surat [[ad-Dhuha]], nu eusina ngalelerkeun nu nuju marojéngja.

Kira taun [[613]], Muhammad mitembeyan da'wah di tempat umum. Mimiti mah lolobana teu miroséa, malah ngahinakeun anjeunna. Tapi salajengna, jul-jol hiji-hiji ngagabung jeung para [[sahabat]]na.

=== Dimusuhan ===

Ngalobaanana umat Muhammad, nimbulkeun mumusuhan pikeun sawatara pamingpin lokal. Kawaluyaan aranjeunna gumantung ka Ka'bah, tempat jarah pamujaan. Mun aranjeunna mariceunan pamujaan-pamujaan éta, sakumaha nu diajarkeun ku Muhammad, bakal ngabalukarkeun leungitna nu jararah, dadagangan moal ramé, moal aya kabeungharan. Suku Muhammad nyalira, kaom Quraisy, pangrugina, sabab maranéhna pisan nu jadi pangawal Ka'bah. Muhammad jeung kaomna dihukuman, sababaraha di antarana aya nu diusir ka [[Habasyah]] Afrika sarta dugi ka ngababakan di tempat éta.

Sababaraha surat jeung bagian surat disebutkeun turun dina mangsa ieu sarta ngagambarkeun kaayaan ieu: tempo misalna [[al-Masadd]], [[al-Humazah]], sabagian surat [[Maryam (surat)|Maryam]] jeung [[al-Anbiya]], [[al-Kafirun]], jeung [['Abasa]]. It was during this period that the episode known as [[The Satanic Verses]] may have happened. It is said that Muhammad was briefly tempted to relax his condemnation of Meccan polytheism and buy péace with his neighbors, but repented and recanted his words (see the article on [[The Satanic Verses]]). The incident is reported in only a few sources, and many Muslims do not accept it as fact.

Taun [[619]], Khodijah istri Muhammad sarta pamanna Abu Tolib pupus; katelah salaku ''"taun tunggara."'' Bani Hashim nolak jadi panyalindungan Muhammad (sabab pamanna nu jadi pamingpin bani Hashim pupus), antukna loba muslim nu ngarandapan siksaan jeung kalaparan.

Kira taun [[620]], anjeunna ngumumkeun yén anjeunna ngalaman [[Isro jeung Mi'roj]] - further alienating his enemies.

=== Hijrah ===

Taun [[622]], nyanghareupan kasusah jeung ancaman pati, Muhammad bareng jeung para sahabatna di Mekah [[hijrah]] ka Madinah, di mana anjeunna loba nampi nu arasup Islam. Ku jalan megatkeun kasukuanana Muhammad nunjukkeun yén beungkeut kasukuan jeung kulawarga bisa kalindih ku beungkeutan Islam, hiji pamanggih révolusionér pikeun masarakat Arab. ''Hijrah'' atawa migrasi ieu nandakeun munggaran [[kala Islam|kala/kalénder Islam]].

Masarakat Madinah miharep Muhammad bisa ngahijikeun kotana nu kabagi ku kelompok-kelompok, nu salajengna Muhammad ngabéwarakeun [[Piagem Madinah]] (antara [[622]]-[[623]]), nu jadi dadasar sangkan kelompok-kelompok nu béda bisa hirup kumbuh babarengan. Tradisi toléransi awal ieu mangrupa salah sahiji sabab kuatna kakawasaan Muslim salajengna.

=== Perang ===

Hubungan antara Mekah jeung Madinah cepet pisan jadi goréng silih musuhan (tempo surat [[al-Baqarah]]). Urang Mekah nyita sagala titinggalan Muslim nu ditinggalkeun di Mekah. Di Madinah, Muhammad nawis perjangjian nyatru jeung silih tulungan jeung suku-suku tatangga.

Bulan Maret [[624]], Muhammad mingpin 300 perjurit pikeun nyerang rombongan dagang Mekah. Urang Mekah hasil ngagagalkeun serbuan ieu sarta males ngirim pasukan leutik ka Madinah.

Tanggal [[15 Maret]] [[624]] di deukeut lelewek [[Perang Badar|Badar]], pasukan Mekah jeung MUslim bantrok. Najan 300 ngalawan 800 dina perangna, pasukan Muslim meunang, nelasan sahanteuna 45 sarta nahan 70 urang Mekah; ti pihak Muslim ukur 14 urang nu palastra.

=== Kapamingpinan Muhammad beuki kuat ===

Pikeun kelompok Muslim, meunangna di Badar jadi bukti nu nguatkeun karosulan Muhammad. Following this victory, after minor skirmishes, the victors expelled a local [[Jew]]ish clan, the Banu Qainuqa.  Virtually all the remaining [[Medina]]ns converted and Muhammad became ''[[de facto]]'' ruler of the city.

Sapupusna Khodijah, Muhammad nikah deui, ka [[Aisyah]] putra [[Abu Bakar]] (nu salajengna jadi khalifah ngagentos Muhammad). Di Madinah, anjeunna nikah ka Hafsah, putra [[Umar bin Khattab|Umar]] (nu ngaganti Abu Bakar). Putra Muhammad nu salamét ogé nikah di Madinah: [[Fatimah Zahra|Fatimah]] ka [[Ali bin Abu Tolib|Ali]] sarta Ummu Kulsum ka [[Usman bin Affan|Usman]].

Para sahabat tadi, dina mangsa salajengna jadi pamingpin ngaganti Muhammad. Kaopat khalifah, atawa panerus Rosul ieu, katumbukeun jeung Muhammad ku getih, nikah, atawa duanana (tapi tempo ogé [[Khalifah]] piekun émbaran nu leuwih lengkep ngeunaan kontrovérsi saha sabenerna khalifah kahiji).

=== Perang diteruskeun ===

Taun [[625]], pamingpin [[Mekah]] [[Abu Sufyan]] nyerbu [[Madinah]] kalawan kakuatan 3.000 perjurit. Perangna lumangsung [[23 Maret]] di [[Perang Uhud|Uhud]], hasilna imbang. Pihak Mekah ngaku meunang, tapi leungiteun loba teuing soldadu pikeun ngadesek pasukan Muslim nepi ka Madinah.

Bulan [[April]] [[627]] Abu Sufyan mingpin deui pasukan nu leuwih kuat ka Madinah. Anjeunna dibantuan ku simpatisan urang Madinah, suku [[Yahudi]] Banu Qurayza. Muhammad ngalawan ku ngali lombang sabudeureun Madinah antukna salamet. This was the ''[[Battle of the Trench]]''.

Satutasna perang, sadaya lalaki sawawa Banu Qurayza jeung saurang awéwé di[[pancung]] dumasar paréntah [[Saad bin Muadh]], pamingpin nu dipilih ku Banu Qurayza. Sésa Banu Qurayza dijadikeun budak atawa tebusan, sedengkeun sadaya harta titinggalna dibagikeun di antara Muslim.

Satutasna perang ieu, pasukan Muslim bisa, maké cara panalukan atawa arasup Islam, ngalegaan pangaruhna ka kota-kota jeung suku tatangga.

=== Nalukkeun Mekah ===

Taun [[628]], posisi Muslim geus cukup kuat antukna Muhammad wani balik ka Mekah, munjungan kalawan daméy. Bulan Maret [[628]] anjeunna siap-siap deui ka Mekah, dibarengan ku 1,600 urang. Sanggeus badami, hiji perjangjian dijieun di Hudaibiyah. Muhammad teu diwidian neruskeun jarahna ka Mekah taun éta. Taun payunna pihak Muslim diidinan jarah ka Mekah.

Alatan perjangjian dirumpak, perang lumangsung deui. taun [[630]], Muhammad nyerbu Mekah kalawan pasukan loba pisan, cenah nepi ka 10,000 perjurit. Nyanghareupan balai nu teu bisa dilawan, urang Mekah nyerah tanpa perang. Ku kituna Muhammad ngajangjikeun pangampunan sacara umum (aya sababaraha urang sacara husus anu henteu). Urang Mekah lolobana asup Islam, sedengkeun sesembahan-sesembahan sabudeureun Ka'bah diancurkeun. Ku ayana ieu, jarah nu biasa lumangsung robah jadi jarah Muslim.

=== Ngahijikeun Tatar Arab ===

Saatosna wangsul ka Mekah, Muhammad ngéléhkeun satru suku-suku nu ngamusuhan di Hunayn, antukna Muslim jadi kakuatan nu onjoy di Tatar Arab, katambah ku gancangna suku-suku jeung séjén nu ngagabung ka Muhammad.

=== Muhammad salaku soldadu ===

Salami hirup 63 taun, Muhammad kungsi jadi sudagar, lajeng ahli da'wah. Anjeunna ngangkat pedang dina mangsa ahir hirupna. Anjeunna jadi soldadu ukur sapuluh taun.

Loba kritik ditujukeun ka Muhammad alatan nyerang rombongan dagang jeung panalukan. Kritik nyebutkeun yén perangna jauh mela-melu ti mélaan manéh, tapi komentator Muslim ngajawab yén perang-perangna ukur pikeun mélaan masarakat Muslim ngalawan urang Mekah, kalawan tetep ngajaga kamanusaan nalika perang. Pikeun salawa salajengna, tempo [[Muhammad salaku soldadu]].

=== Kahirupan kulawarga Muhammad ===

Ti taun [[605]] nepi ka [[619]], Muhammad mung gaduh hiji istri, [[Khadijah]]. Saatos anjeunna pupus, nikah deui ka Aisyah, lajeng Hafsah. Salajengna anjeunna nikah deui ka sababarah istri, jumlahna aya sawelas (salapan atawa sapuluh aya kénéh nalika anjeunna pupus). Aya nu nyebatkeun anjeunna ogé nikah ka Maria al-Qibtiyya, tapi aya ogé nu ngabantah.

* [[Siti Khodijah binti Khuwailid]]
* [[Sawada binti Zama]]  
* [[Aisyah]]
* [[Hafsah binti Umar]]  
* [[Zaynab binti Khuzaymah]]   
* [[Ummu Salamah Hind binti Abi Umayyah]]  
* [[Zaynab binti Jahsh]]  
* [[Juwayriyah binti al-Harith]]  
* [[Ummu Habibah Ramlah]]    
* [[Safiyyah binti Huyayy]]  
* [[Maymunah binti al-Harith]] 
* [[Maria al-Qibtiyya]] (?)

Khadijah istri munggaran Muhammad sarta ibu pikeun opat putra nu nyésa [[Fatimah]]. Istri-istri anjeunna salajengna di antarana mangrupa randa nu dikantun maot dipangperangan. Nu sanésna mangrupa putra sahabat-sahabat sarta pamingpin suku. salah sahiji pertikahan nu ahir ngahasilkeun saurang putra, mung lajeng pupus dina yuswa sapuluh sasih.

Nikahna ka [[Aisyah]] sering dikritik kiwari dumasar sumber tradisional nu nyebutkeun yén Aisyah ditikah nalika yuswa salapan taun (tempo [[Aisyah]] pikeun sawala ngeunaan hal ieu). Kritik ogé natanyakeun nikahna ka randa putra kukutna, [[Zaynab binti Jahsh]], sarta dirumpakna paréntah Qur'an nikah ka leuwih ti opat istri. Pikeun émbaran leuwih lengkep ngeunaan kahirupan kulawarga Muhammad, katut kritikna, tingal [[pertikahan Muhammad]].

=== Sahabat Muhammad ===
:''Tempo artikel utama [[Sahabat]]''
Istilah '''sahabat''' nujul ka singsaha baé nu nedunan tilu sarat: sapantar sareng Muhammad, kungsi ngadangu atawa ningal cacarios sahanteuna dina hiji kasempetan, geus asup Islam. Sahabat boga tanggung jawab pikeun nepikeun [[Hadits]], sabab hadits kudu ditepikeun munggaran ku sahabat. Opat sahabat awal dina daptar di handap ogé mangrupa opat khalifah munggaran masarakat Muslim sapupusna Muhammad. Di handap ieu sababaraha urang sahabat anu utama,

* [[Abu Bakar]]
* [[Umar bin al-Khattab|Umar]]
* [[Utsman bin Affan|Utsman]]
* [[Ali bin Abi Tolib|Ali]]
* [[Abdullah bin Abbas]]
* [[Zubair]]
* [[Sa'id]]
* [[Tolhah]]
* [[Amir]]
* [[Abdulrahman]]
* [[Sa'd]]
* [[Sa'ad bin Abi Waqqas]]
* [[Salman al-Farisi]]
* [[Hamzah]]

=== Pupusna Muhammad ===

Sapanjang hirupna, Muhammad mung sakali ngalaman kabancén, nyaéta méméh pupusna (sigana [[malaria]]). Anjeunna pupus dinten [[Minggu]], kira pasosoré [[8 Juni]] [[632]], di Kota Madinah, dina yuswa 63 taun.

[[Gambar:Masjid_Nabawi.jpg||right|thumb|350px|[[Masjid Nabawi]] di Madinah. Di kompléks masjid ieu ogé ayana makam Muhammad jeung dua khalifah munggaran, Abu Bakar jeung Umar bin al-Khattab]]

Numutkeun kaom [[Si'ah]], Muhammad kungsi ngémbarkeun minantuna (adi sabrayna), Ali, salaku panerusna dina pidato umum di [[Ghadir Khom]]. Tapi Abu Bakar jeung Umar bisa nyiasatan antukna Abu Bakar jadi khalifah.

Mayoritas kaom [[Sunni]] ngabantah hal ieu, sarta nyebutkeun yén pamingpin-pamingpin masarakat harita, kalawan bébas, sapuk milih Abu Bakar, salah saurang nu munggaran iman/ngarojong ka Muhammad salaku Rosululloh.

Najan aya kajadian kitu, Abu Bakar jadi pamingpin anyar. Kapamingpinanana lolobana kapaké pikeun ngalawan baruntakna suku-suku dina [[Perang Ridda]].

Ku geus ngahijina Tatar Arab, salajengna pasukan Islam bisa nalukkeun sarta ngahijikeun Timur Tengah dina hiji kapamingpinan.

=== Turunan Muhammad ===

Turunan Muhammad nu panjang yuswa mung [[Fatimah Zahra|Fatimah]] sarta paraputrana (aya ogé nu nyebatkeun yén putuna ti [[Zainab]], Ammah atanapi Umamah, ogé panjang yuswa).

Kaom Si'ah percaya yén carogé Fatimah, Ali, sarta paraputrana mangrupa pamingpin nu bener pikeun umat Islam. Najan kaom Sunni teu percaya hal ieu, turunan Muhammad tetep dipihormat.

Turunan Muhammad katelah dina sababaraha landihan, kayaning [[sayyid]], [[syed]] سيد, jeung [[syarif]] شريف (jamak: ِأشراف Asyrof). Loba pamingpin jeung inohong di nagara-nagara Muslim, baheula atawa kiwari, ngaku turunan anjeunna, kayaning wangsa [[Fatimid]] di [[Afrika Kalér]], [[Idrisi]], kulawarga karajaan [[Yordania]] jeung [[Maroko]] kiwari, sarta [[Agha Khan]], [[Imam]] kaom [[Ismaili]]. Aya ogé sakumpulan masarakat di nagara-nagara Muslim nu ngakukeun nu sarupa kieu.

== Pentingna sajarah Muhammad ==

Sateuacan pupusna taun [[632]], Muhammad tos ngadegkeun Islam salaku kakuatan sosial jeung pulitik nu geus ngahijikeun ampir sakuliah Tatar Arab. Sababaraha puluh taun saatosna, panerusna geus hasil ngahijikeun sakuliah Tatar Arab, sarta nalukkeun Iran, Iraq, Mesir, Paléstina, Suriah, Arménia, jeung lolobana Afrika Kalér. Taun 750, Afrika Kalér geus sagemblengna dina kakawasaan Muslim, kitu ogé Spanyol kidul jeung Asia Tengah (kaasup Sind, di Lembah Indus). Dina abad kasapuluh, dipingpin ku Ghaznavid, Islam geus ngalegaan nepi ka wewengkon Hindu di wétaneun Indus, wewengkon India kalér kiwari. Salajengna, Islam sumebar kalawan daméy nepi ka sakuliah Afrika jeung Asia Tenggara. Islam kiwari diagem ku leuwih ti samilyar urang di sakuliah dunya, sarta jadi ageman kadua pangbadagna.

== Tempo ogé ==

* Muhammad dina sawangan Muslim - tempo [[Islam]], utamana [[siroh]].
* Ajaran Muhammad - tempo [[Islam]], utamana [[hadits]].
* [[Daptar istilah Islami dina aksara Arab]] ngagambarkeun pangaruh Muhammad.
* [[Daptar inohong agama-agama utama]].

== Tumbu kaluar ==

{{wikiquote|Muhammad}}

Biografi non-madhab:
* [http://www.pbs.org/muhammad Public Broadcasting System program on Muhammad]
* [http://encarta.msn.com/encyclopedia_761553918/Muhammad_(prophet).html/ Encarta Encyclopedia] {{Webarchive|url=https://web.archive.org/web/20060623201920/http://encarta.msn.com/encyclopedia_761553918/Muhammad_(prophet).html/ |date=2006-06-23 }}
* [http://31.1911encyclopedia.org/M/MA/MAHOMET.htm 1911 Encyclopedia article of Muhammad]

Biografi Sunni:
* [http://www.witness-pioneer.org/vil/Books/MH_LM/default.htm The Life of Muhammad] Muhammad Husayn Haykal ditarjamahkeun ku Isma'il Razi A. al-Faruqi
* [http://www.islamonline.net/English/In_Depth/mohamed/1424/index.shtml Islam-online]
* [http://www.usc.edu/dept/MSA/fundamentals/prophet/ About the Prophet Muhammad] {{Webarchive|url=https://web.archive.org/web/20060612062303/http://www.usc.edu/dept/MSA/fundamentals/prophet/ |date=2006-06-12 }}

Biografi Si'ah:
* [http://www.al-islam.org/restatement/ A Restatement of the History of Islam and Muslims by Sayed Ali Asgher Razwy]
* [http://al-islam.org/lifeprophet/ The Life of Muhammad The Prophet by Syed Saeed Akhtar Rizvi]

Jihat kritik: 
* [http://www.answering-islam.org.uk/Books/Jeffery/historical_mhd.htm The Quest for the Historical Mohammed]
* [http://debate.org.uk/topics/theo/muhbiog.htm Trends in Biographies of Muhammad]

Rupa-rupa:
* [http://faculty.washington.edu/wheelerb/swords/swords_index.html Swords of the Prophet Muhammad] {{Webarchive|url=https://web.archive.org/web/20050730080812/http://faculty.washington.edu/wheelerb/swords/swords_index.html |date=2005-07-30 }}

== Rujukan ==

* [[Ibn Warraq]], ''The Quest for the Historical Muhammad'', Prometheus Books, March 2000, hardback, 554 pages, ISBN 1-57392-787-2 
* [[Martin Lings]], ''Muhammad:  His Life Based on Earliest Sources'', Inner Traditions International, Limited, 1987, paperback, 368 pages, ISBN 0-89281-170-6
* [[Karen Armstrong]], ''Muhammad'', ISBN 1-84212-608-3
* [[Muhammad Husayn Haykal]], ''The Life of Muhammad'', Islamic Book Service, 1995, paperback, ISBN 1-57731-195-7, translation of an Arabic original
* [[Maxime Rodinson]], ''Muhammad'', ISBN 1-56584-752-0

{{Nabi Islam}}

[[Kategori:Bani Hasyim]]
[[Kategori:Nabi Islam]]
[[Kategori:Nu babar taun 570]]
[[Kategori:Nu pupus taun 632]]