Wikipedia:Étikét

Ti Wikipédia, énsiklopédia bébas
(dialihkeun ti Wikipedia:Étikawiki)
Luncat ka: pituduh, paluruh

Kaca ieu ngawengku sawatara prinsip étika, atawa "Étikawiki" (Inggris: Wikiquette), nyaéta tetekon kumaha digawé bareng dina lingkungan Wikipedia.

Kontributor Wikipedia nu asalna ti rupa-rupa bangsa, budaya, séké sélér, tingkat atikan, sosial ékonomi jeung psikolohis. Ku ayana pangbéda-béda ieu, mihormat jalam séjén nyaéta konci utama pikeun bisa digawé bareng kucara épéktip pikeun ngabangun énsiklopédia jeung pakawulan umat manusa saujratna.

Prinsip-prinsip étika di Wikipédia[édit sumber]

  • Husnudon. Wikipédia geus ngahasil ngembangkeun ku sakitu gancangna nepika kiwari téh, kusabab kawijakan anu ngawidian éditan anu témér euweuh watesan. Jalma réa datang kadieu pikeun ngolaborasi jeung nulis artikel-artikel anu hadé.
  • Tarima jalma séjén sakumaha Anjeun hayang diperlakukeun.
  • Perhatikeun kasopanan. Jalma séjén moal bisa nyaho atawa nyawang kana kaayaan haté Anjeun. Gaya basa anu nyindir teu waé bisa katarima aknana. Sabalikna, loba teuing jor-joran ogé bisa ngadatangkeun hawa kasar. Singkahadé ku pilihan kecap Anjeun. Naon anu ku Anjeun ditepikeun sakapeung mah teu bisa katarima ku jalma séjén, jeung naon anu katarima ku Anjeun, bisa jadi teu sarua jeung maksud anu nulis.
  • Asup log terus tandatangan wéh tulisan Anjeun dina kaca sawala (ulah dina kaca artikel!)
  • Usahakeun sok jieunkeun hiji kamupakatan.
  • Pagundrengan wé ngeunaan atawa dumasar kanyataan, ulah pribadi.
  • Ulah ngantep pananya. Mun jalma séjén teu nyatujuan éditan Anda, béré alesan nu hadé kunaon Anjeun nganggep éditan éta téh perlu.
  • Sing tumarima kana sakabéh tanggapan lamun Anjeun teu boga jawaban pikeun éta hal, atawa terus terang waé lamun Anjeun pamadegan Anjeun didasaran ku intuisi atawa kahayang pribadi. Ulang paguntreng pikeun hal anu teu bisa Anjeun.
  • Tong asa-asa pikeun ménta hampura. Dina hiji diskusi anu panas, urang sering ngucapkeun hiji hal anu matak hanjakal ahirna. Aku wé éta hal téh.
  • Hampura jeung lubarkeun hiji masalah.
  • Béré pujian lamun pantes diucapkeun. Unggal jalma resep dihargaan, utamana dina lingkungan anu sering ngabutuhkeun kompromi. Béré talatah pikeun sosobatan dina kaca obrolan pamakéna.
  • Hapus atawa jieun kacindekan pikeun hiji diskusi anu Ajeun ajukeun jeung geus nepi kana kamupakatan.
  • Aku kamungkinan ayana faktor subjéktif dina diri Anjeun jeung salawasna usahakeun nyawang kalawan nétral.
  • Bantuan pikeun nengahan bebedaan pamadegan.
  • Lamun paguntrengan beuki panas, tenangkeun heula pikiran, atawa usulkeun pikeun ngeureunan paguntrengan saheulaanan.
  • Kudu inget salawasna kana kasalahan-kasalahan umum dina Wikipedia.
  • Singkahan malikkeun jeung panghapusan lamun mungkin mah, iwal dina kasus vandalisme. Jelaskeun alesan malikkeun révisi anu Anjeun lakukeun dina ringkesan panyuntingan
  • Ingetkeun ka diri sorangan yén Anjeun boga urusan jeung jalma séjén. Bakal aya jalma séjén di ieu dunya anu resep atawa mikanyaah éta jalma. Perlakukeun jalma séjén kalawan hormat.


Tingali Ogé[édit sumber]