Adolf Hitler

Ti Wikipédia Sunda, énsiklopédi bébas
Adolf Hitler (1937)

Adolf Hitler (gumelar di Austria, 20 April 1889 – maot 30 April 1945)nyaéta konselir Jerman (1933) jeung pamingpin Jerman atawa biasa disebut Führer (1934-maot), Hitler jadi diktator Jerman sabada présidén Von Hindenburg maot[1][2]. Adolf Hitler dianggap pamingpin anu boga pangaruh gedé dina sajarah Dunya lantaran aksi katut pamikiranna harita, malah mah Hitler téh dianggap salaku dalang anu nyababkeun ayana Perang Dunya II[1][2].

Hitler nyaéta pamingpin partéy Nasionalis-Sosialis NAZI (dina basa Inggris=National Socialist German Workers Party, dina basa Jerman= Nationalsozialistische Deutsche Arbeiterpartéy/NSDAP) anu kungsi baruntak nalika nyoba ngarebut kakawasaan, tapi ieu usaha gagal, tuluy Hitler dibui najan teu lila[2]. Kamampuh rétorika anu alus, kharisma, katut ambisina anu kuat nyababkeun NAZI jadi partéy anu maju, malah ku Hitler mah, NAZI téh dijadikeun partéy tunggal nu aya di Jerman nalika manéhna ngajabat salaku présidén[1][2].

Hitler paling teu resep ka bangsa Yahudi, malah mah Hitler boga sistem pikeun ngahapuskeun Yahudi ti tanah Jerman, leuwih ti 6 juta Yahudi maot dina kamp pemusnahan anu djieun husus ku Hitler[2]. Sabada Jerman éléh perang dina perang dunya II, Hitler ngarasa frustasi terus manéhna maéhan manéh jeung istrina di Jero Bangker [1][2].

Référénsi[édit | édit sumber]

  1. a b c d Biografi Adolf Hitler Archived 2012-01-08 di Wayback Machine (diaksés tanggal 2 Désémber 2011)
  2. a b c d e f Tokoh-Adolf Hitler Archived 2011-11-29 di Wayback Machine (diaksés tanggal 2 Désémber 2011)