Caah déngdéng
.jpg)
Caah déngdéng nyaéta cai nu datang ngadadak ngagulidag gedé kalawan henteu lumangsung lila.[1] Caah déngdéng ilaharna dimimitian ku hujan gedé ti beulah girang, hujan nu ngagebrét ngabalukarkeun cai gedé ngagulidag ka susukan malidkeun naon baé nu kaliwatan.[1] Susukan nu ngadadak pinuh ku cai kapeungpeukan ku runtah nu kabawa palid, lila-lila runtah ngaggunduk di hiji tempat kawas bendungan cai dadakan.[1] Beuki lila cai di susukan beuki pinuh, antukna éta bendungan téh runtag ngagulidagkeun cai gedé naker ka hilir.[1] Ieu cai nu ngagulidag datang ngadadak sok disebut caah déngdéng.[1]
Sababaraha kaayaan tempat nu bisa waé ngarandapan caah déngdéng:
- Daérah nu remen ngarandapan hujan gedé
- Taneuhna loba batu atawa cadas nu balukarna cai henteu loba suub kana taneuh
- Kaliliwatan cai susukan
- Tempat nu kungsi ngarandapan caah saméméhna.[2]
Tempat-tempat nu kungsi katarajang caah déngdéng hadéna ulah dicicingan deui, kudu pindah néang tempat séjén nu sakira aman.[3] ku lantaran bisa waé hiji mangsa, éta tempat baris ngarandapan deui caah.[3]
Dicutat tina
[édit | édit sumber]- ↑ a b c d e Yulaelawati, Ella (2008). Mencerdasi bencana: banjir, tanah longsor, tsunami, gempa bumi, gunung api, kebakaran. Jakarta: Grasindo.
- ↑ Atlas dan Geografi, Tim Editor (2007). Seri Bencana Alam di Indonesia: Banjir dan Tanah Longsor. Jakarta: Erlangga for Kids.
- ↑ a b Kurniawan, Lilik (2006). Rapid assessment bencana Indonesia. Jakarta: Diterbitkan atas kerjasama Badan Pengkajian dan Penerapan Teknologi (BPP) [dan] Hanss Seidel Foundation (HSF).
Tutumbu kaluar
[édit | édit sumber]- Scottish Flash Flood
- Decision tree to choose an uncertainty method for hydrological and hydraulic modelling Archived 2013-06-01 di Wayback Machine
- Flash Flood Alley
- Flash Flood Safety Archived 2018-05-12 di Wayback Machine
- Great footage of flash floods
- Map
- Workshop Proceedings Flash Flood Management
- Workshop Proceedings Flash Flood Forecasting
 |
Wikimedia Commons mibanda média séjénna nu patali jeung floods . |