Runtah

Ti Wikipédia, énsiklopédia bébas
Luncat ka: pituduh, sungsi

Runtah nyaéta sésa bahan nu teu dipikahayang nalika réngsena hiji prosés. "Runtah" mangrupa konsép jieunan manusa lantaran dina prosés alam mah konsép runtah teu dipikawanoh. Nu aya dina prosés alam mah ngan mangrupa produk nu teu aktip atawa inert.

Runtah bisa aya dina unggal wujud bahan: padet, caér, atawa gas. Nalika dileupaskeun dina dua wujud nu disebutkeun pangahirna, utamana gas, runtah bisa ogé disebut émisi. Émisi biasana pakait raket jeung polusi.

Dina kahirupan manusa, runtah lolobana datang tina kagiatan: tambang, pabrik, konsumsi, jrrd. Ampir sakabéh produk industri dina hiji waktu bakal jadi runtah. Lobana runtah kira-kira sabanding jeung gedéna pamakéan (konsumsi).

Rupa-rupa runtah[édit | sunting sumber]

Dumasar kana sumberna:

  1. Runtah alam
  2. Runtah manusa
  3. Runtah konsumsi
  4. Runtah pabrik
  5. Runtah nuklir

Runtah alam[édit | sunting sumber]

Runtah nu diproduksi dina kahirupan liar bakal diprosés alami, misalna dangdaunan nu garing bakal ngarumbay jadi taneuh. Di luar kahidupan liar, runtah samodel ieu bisa jadi masalah, misalna lamun aya loba dangdaunan garing di padumukan manusa.

Runtah manusa[édit | sunting sumber]

Runtah manusa (Inggeris: human waste) nyaéta istilah nu biasa digunakeun pikeun nyebut kokotor manusa utamana nu mangrupa tai jeung cikiih. Runtah manusa bisa ngabahayakeun kalawan rosa kana kasehatan lantaran runtah bisa digunakeun pikeun tempat ngembangna bibit panyakit nu asalna tina virus jeung baktéri. Aya hal anu ngajadikeun kahirupan manusia bakal leuwih onjoy. Nyaéta ku bisana manusa ngurangan sumebarna panyakit nu disababkeun runtah manusa ieu ku cara ngajalanan hirup higiénis jeung sanitasi. Kaasup ogé ku kapanggihna tiori ngeunaan saluran pipa (Inggerisna: plumbing).

Runtah konsumsi[édit | sunting sumber]

Runtah konsumsi nyaéta runtah nu dihasilkeun (manusa) nu maké barang atawa produk misalna, kalolobaan runtah nu dipiceun kana wadah runtah balaréa. Runtah jenis ieu pisan nu umumna dipikirkeun ku manusa. Sanajan kitu, lobana runtah dina jenis ieu saeutik pisan lamun dibandingkeun kana runtah nu dihasilkeun tina prosés nambang jeung pabrik industri.

Leuwih lengkep dina artikel ngeunaan runtah konsumsi.

Tingali ogé[édit | sunting sumber]

  1. Ngokolakeun runtah
  2. Ngamangpaatkeun runtah

Référénsi[édit | sunting sumber]

Sabagian eusi kaca ieu dicutat tina:

Topik nu aya patula-patalina jeung runtah:

Kompos - Polusi - Treuk runtah - Wadah runtah - Ngokolakeun runtah - Ngamangpaatkeun runtah