Ngokolakeun runtah

Ti Wikipédia, énsiklopédia bébas
Luncat ka: pituduh, sungsi
Wadah runtah rodaan di Berkshire, Inggris

Ngokolakeun runtah atawa manajemén runtah (Basa Indonésia: pengelolaan sampah, Basa Inggris: waste management, Basa Walanda: vuilnisophaaldienst) nyaéta prosés ngokolakeun runtah kaasup ngumpulkeun, ngirimkeun, mrosés, ngadaur ulang atawa miceun éta runtah. Istilah ieu biasana patali jeung bahan nu dihasilkeun tina aktivitas manusa, tur ilaharna dikokolakeun teh pikeun ngurangan pangaruhna kana kasehatan, lingkungan atawa estetika. Sanajan geus jadi kasapukan yén runtah téh mangrupa bahan nu teu dipikahayang, lain hartina runtah euweuh gunana. Malah, lamun bisa ngokolakeunnana runtah ogé bisa ngabogaan mangpaat ekonomis. Manajemén runtah ogé diterapkeun keur ngahadéan sumber daya alam. Manajemén runtah bisa patali jeung bahan padet, cair, gas atawa radioaktif, kalayan cara jeung widang kaahlian nu beda-beda keur unggal bahan-bahan eta.