Lompat ke isi

Daun saga

Nambah tutumbu
Ti Wikipédia Sunda, énsiklopédi bébas

Daun Saga nyaéta daun anu asalna tina tangkal saga.[1] Mibanda ngaran latin Abrus pecatoruis.[2] Daun saga miboga ngaran anu rupa-rupa, di antarana upama di Jawa disebut daun saga telik, di Sunda daun saga areuy, di Gorontalo daun walipopo, jeung di Bali disebut piling-piling.[3] Tumuwuhna di dataran anu handap nepi ka 1000 méter di luhur permukaan laut.[4] Sedeng ciri morfologis tangkal sagana hampir sarua jeung tangkal peuteuy, lamtoro, jeung asem.[5] Tangkal saga sumebar di Asia kaasup Indonesia, tumuwuh di leuweung, taman nasional, taman kota, buruan imah, atawa sisi jalan.[5] Daun saga mangrupa bagéan anu dimangpaatkeun keur ubar.[1] Sababaraha panyakit siga sariawan nepi ka panyakit di jero awak bisa diubaran ku ieu daun.[1]

Ciri-Ciri Daun Saga

[édit | édit sumber]

Daun saga mibanda ciri-ciri di antarana :

  • Daunna majemuk
  • Bentukna buleud endog
  • Ukuranna laleutik
  • Siripna ganjil
  • Rasana semu amis.[4]

Klasifikasi Daun Saga

[édit | édit sumber]

Klasifikasi daun saga nyaéta :

  • Kingdom : Plantae
  • Divisi: Magnoliophyta
  • Kelas: Magnoliopsida
  • Ordo: Fabales
  • Famili: Fabacéae
  • Genus: Abrus
  • Spesies: Abrus precatorius L.[5]

Kandungan Daun Saga

[édit | édit sumber]

Daun saga miboga sababaraha kandungan, di antarana :

Hasiat Daun Saga

[édit | édit sumber]

Daun saga sanajan bentukna laleutik tapi mibanda mangpaat anu kacida gedéna, di antarana :

  1. Ubar amandel ; Carana godog daun saga anu ditambahan ku gula atawa kayu manis, ku cai opat gelas nepi ka jadi satengah gelas.[rujukan?] Antepkeun sina tiis tuluy saring.[rujukan?] Inum dua kali dina sapoéna.[7]
  2. Ubar sariawan ; Carana poékeun daun saga sangkan layu, kumbah sing beresih.[rujukan?] Gayem daun saga ngan ulah diteleg, tuluy kekemu.[7]
  3. Ubar panas dalam ; Carana godog lima belas lambar daun saga, ku opat gelas nepi ka jadi satengah gelas caina.[rujukan?] Antepkeun ka jadi tiis tuluy disaring arah caina wungkul.[rujukan?] Diinumkeun dua kali sapoé.[7]
  4. Ubar batuk ; Carana daun saga nu ditambah gula beureum atawa kayu manis digodog ku dua gelas nepi ka jadi satengah gelas caina.[rujukan?] Antepkeun sina tiis tuluy disaring. Diinumkeun dua kali sapoé.[7]
  5. Ubar Bronkhitis : Carana lima belas lambar daun saga digodog, dua gelas nepi ka jadi sagelas caina.[rujukan?] Antepkeun sina tiis tuluy saring.[rujukan?] Diinumkeun sakali sapoé.[7]
  6. Ubar radang panon ; Ibun hasil ngagodog daun saga diwadahan tuluy dikeclakeun kana mata.[8]
  7. Nguatkeun daya tahan awak.[8]
  8. Antihipertensi.[8]
  9. Antioksidan.[8]
  10. Ubar pikeun reumatik jeung analgetik.[rujukan?] Tina panalungtikan nétélakeun yén hasil ékstrak étanolik tina daun saga nyaéta aya anu dosis 50, 100, jeung 200 mg atawa 33 %, 35,63%, jeung 36,7 %.[rujukan?] Ékstrakna téh bisa dijieun ubar analgetik anu anyar jeung herbal.[9]

Lian ti éta, daun saga teu saukur mangpaat pikeun manusa, tapi sasatoan ogé bisa ngala mangpaatna.[rujukan?] Salasahijina nyaéta keur ubar manuk anu bindeng atawa sora manukna sangkan alus.[rujukan?] Manuk-manuk anu sok diubaran ku daun saga di antarana manuk murai, kacer, pleci, jeung kenari.[10]

Rujukan

[édit | édit sumber]
  1. ↑ a b c "15 Manfaat dan Khasiat Daun Saga untuk Kesehatan" (dalam bahasa id-ID). Khasiat. 2017-01-16. https://www.khasiat.co.id/daun/saga.html. Diakses pada 2018-01-26  Archived 2017-09-06 di Wayback Machine
  2. ↑ "Daun Saga Rambat, Tanaman Liar Berkhasiat Tinggi" (dalam bahasa id-ID). Ragam Tanaman Obat. https://www.daftartanamanobat.web.id/daun-saga-rambat-tanaman-liar-berkhasiat-tinggi/. Diakses pada 2018-01-30 [tumbu nonaktif]
  3. ↑ Hidayat, R. Syamsul (2015). Kitab Tumbuhan Obat. Jakarta: AgriFlo. ISBN 979-002-660-9. 
  4. ↑ a b "Saga – Ciri-Ciri Tanaman Saga, Serta Khasiat dan Manfaatnya | Situs Tanaman Obat Indonesia". www.tanobat.com (dalam id-ID). Diakses tanggal 2018-01-26. 
  5. ↑ a b c d "15 Manfaat Daun Saga Untuk Kesehatan" (dalam bahasa en-US). alamsehat. 2016-07-24. http://www.alamsehat.com/manfaat-daun-saga/. Diakses pada 2018-01-30  Archived 2020-09-23 di Wayback Machine
  6. ↑ "Kandungan Daun Saga". daunsaga.org (dalam en-US). Diakses tanggal 2018-01-26.  Archived 2017-11-30 di Wayback Machine
  7. ↑ a b c d e Kompasiana.com. "Manfaat Dan Khasiat Daun Saga Untuk Kesehatan oleh Akhmad Akhmad - Kompasiana.com". www.kompasiana.com (dalam Indonesian). Diakses tanggal 2018-01-30. 
  8. ↑ a b c d "Daun Saga Untuk Kesehatan Tubuh". daunsaga.org (dalam en-US). Diakses tanggal 2018-01-30. [tumbu nonaktif]
  9. ↑ Putri, Risma Oksi (2 Juli 2015). "Aktivitas Analgetika Ekstrak Etanol Daun Saga". Jurnal ilmiah kesehatan. 
  10. ↑ "Manfaat Daun Saga Pada Pleci Dan Burung Kicau Lainnya" (dalam bahasa id-ID). Media Ronggolawe. 2015-07-06. http://www.mediaronggolawe.com/manfaat-daun-saga-pada-pleci-dan-burung-kicau-lainnya.html. Diakses pada 2018-01-30  Archived 2017-10-22 di Wayback Machine
Dicomot ti "https://su.wikipedia.org/w/index.php?title=Daun_saga&oldid=666820"