Ebiet G Ade

Ti Wikipédia, énsiklopédia bébas
Luncat ka: pituduh, sungsi
Ebiet G. Ade
Ebiet.jpg
Abid Ghoffar AD
Babar: 21 April 1955
Wanadadi, Banjarnegara
Kawarganagaraan: Indonesia
Genre: Balada
Subjék: sastrawan,penyanyi
Garwa/carogé: Yayuk Sugianto

Ebiet G. Ade lahir di Wanadadi, Banjarnegara, 21 April 1954, dipikawanoh minangka penyanyi sarta nu nulis tembang anu geus ngalégenda.[1] Ngaran Ébiet G Adé nyaéta modifikasi ti Abid Ghoffar AD (Aboe Dja'far) sarta AD-na dimamanis ku sorangan jadi Adé.[2]

Karir[édit | sunting sumber]

Ebiet G. Ade muka karir musikna dina taun 1975, waktos umurna anyar 20 taunan.[3] Dina waktu éta, Ebiet nu soméah deukeut jeung tilu seniman sastra budayawan Yogya, Emha Ainun Najib, ÉH Kertanegara sarta Eko Sirung.[3] Maranéhanana neuleuman sastra, sarta Ebiet ngahususkeun diri dina nulis puisi.[3] Nalika ngamimitian ngamusikalisasi puisina jeung gitar sarta sorana anu halimpu, jelema nganggap Ebiet mimiti leumpang di dunya pop tapi palebah séjénna dina dunya sastra ogé.[3] Boga untung manéhna junun ngajual albeum serial ‘Camellia’-na kalayan ka luar jutaan copy peralbum antara 1979 - 1983, sawatara albeum rékamanana nepi ka nampa pangajén BASF Awards, AMI Awards, sarta Planét Muzik Awards di Singapura pikeun katégori musik Country /Balada, hiji segmen musik anu kaasup ‘heureut rohang déngéna’..[3] Lalaki anu leuwih resep disebut minangka penyair éta, mimitina ngan nembang ngan ukur konsér di Jawa Tengah sarta DIY, ngamusikalisasikeun puisi-puisi sarta ngan nganggap hal éta minangka hobi wungkul.[1] Tapi alatan dorongan sobatna Ebiet daék ogé maju ka dunya musik Nusantara.[1] Ebiet salila lima taun kungsi laér tina édaran sarta anyar deui dina 1995, dirina ngaluarkeun albeum KUPU-KUPU KERTAS (dirojong ku Ian Antono, Billy J. Budiardjo, Purwacaraka, sarta Erwin Gutawa) sarta CINTA SEBENING EMBUN - PUISI-PUISI CINTA. Dina 1996 Ebiet ngaluarkeun albeum AKU INGIN PULANG - 15 Hits Pangpopulérna.[1] Dua taun saterusna manéhna ngaluarkeun albeum GAMELAN anu ngasupkeun lima lagu heubeul anu diaransemen deui jeung musik gamelan.[1]

Diskografi[édit | sunting sumber]

Henteu sakumna albeum anu dikaluarkeun Ebiet G. Ade ngeusi lagu anyar.[1] Dina taun-taun pamungkas, Ebiet mindeng ngaluarkeun deui tembang-tembang hebeulna, boh kalayan aransemen nu pituin boh kalayan aransemen deui.[1] Sarta dina taun-taun pamungkas Ebiet loba milih kolaborasi kalayan musisi-musisi nu parigel.[1] Jumlah albeum kompilasina anu dikaluarkeun ngaleuwihan albeum studiona. Sajauh ieu aya saeutikna 25 albeum kompilasi anu dipedar ku sagala rupa pausahaan rekaman.[1]

  • ALBUM STUDIO
  1. CAMELLIA I (1979)
  2. CAMELLIA II (1979)
  3. CAMELLIA III (1980)
  4. CAMELLIA 4 (1980)
  5. LANGKAH BERIKUTNYA (1982)
  6. TOKOH-TOKOH (1982)
  7. ZAMAN (1985)
  8. ISYU! (1986)
  9. MENJARING MATAHARI (1987)
  10. SKETSA REMBULAN EMAS (1988)
  11. SERAUT WAJAH (1990)
  12. KUPU-KUPU KERTAS (1995)
  13. CINTA SEBENING EMBUN (1995)
  14. AKU INGIN PULANG (1995)
  15. GAMELAN (1998)
  16. BALADA SINETRON CINTA (2000)
  17. BAHASA LANGIT (2001)
  18. IN LOVE: 25TH ANNIVERSARY (2007)
  19. MASIH ADA WAKTU (2008)
  20. TEMBANG COUNTRY 2 (2009)


  • Lagu ti Albeum Séjén
  1. UNTUK ANAKKU TERCINTA (1983)
  2. SURAT DARI DESA (1987) Dalam Album Lomba Cipta Lagu Pembangunan 1987.
  3. BERITA KEPADA KAWAN (1995) (versi duet dengan M. Nasir)
  4. MENGARUNGI KEBERKAHAN TUHAN (2007)(Ditulis Bersama Presiden Susilo Bambang Yudhoyono)
  • Pangajén
  1. 18 Golden dan Platinum Record dari Jackson Record tina albeum Camellia I nepi ka Isyu!
  2. Biduan Pop Kesayangan PUSPEN ABRI (1979-1984)
  3. Pencipta Lagu Kesayangan Angket Musica Indonesia (1980-1985)
  4. Pangajén Diskotek Indonesia (1981)
  5. 10 Tembang Panghadéna ASIRI (1980-1981)
  6. Pangajén Pasanggiri Cipta Lagu Pembangunan (1987)
  7. Penyanyi kesayangan Siaran Radio ABRI (1989-1992)
  8. BASF Awards (1984 - 1988)
  9. Penyanyi solo sarta balada panghadéna Anugerah Musik Indonesia (1997)
  10. Tembang panghadéna AMI Sharp Award (2000)
  11. Planet Muzik Awards ti Singapura (2002)
  12. Pangajén Lingkungan Hirup (2005)
  13. Duta Lingkungan Hirup (2006)
  14. Pangajén Peduli Award Forum Indonesia Muda (2006)
  15. Sawatara pangajén ti sababaraha Lembaga Independen

Rujukan[édit | sunting sumber]

  1. a b c d e f g h i (id) [syairnya.http://selebriti.kapanlagi.com/indonesia/e/ebiet_g_ade/ Profil Ebiet G Ade] (Dicutat 30 Oktober 2011)
  2. (id) Mozaik Jejak Langkah (Dicutat 30 Oktober 2011)
  3. a b c d e (id) [1] (Dicutat 30 Oktober 2011)
Nulis.jpg