Erwin Schrödinger

Ti Wikipédia, énsiklopédia bébas basa Sunda
Luncat ka: pituduh, sungsi
Erwin Schrödinger

Erwin Schrödinger lahir taun 1887 jeung tilar dunya dina taun 1961.[1] Anjeunna nyaéta saurang ahli fisika anu lahir di Vienna, Austria.[1] Bapana nyaeta saraung usahawan anu kungsi diajar élmu kimia jeung indungna nyaéta putri ti saurang profésor kimia.[1] Anjeunna méakkeun sawaréh pangatikan dasarna jeung guru prabida.[1] Anjeunna ngaréngsékeun kuliah di Universitas Vienna taun 1906 nepika taun 1910 jeung meunang gelar doktor din widang fiska taun 1910.[1]

Dina taun 1926, anjeunna ngarumukeun tiori ngeunaan mékanika gelombang, anu ngagambarkeun kalakuan partikel-partikel leutik anu ngawangun matéri dina wangun gelombang.[1] Anjeunna ogé ngarumuskeun sasaruaan gelombang pikeun ngagambarkeun kalakuan éléktron dina atom.[1] Pikeun tiorina éta, Erwin dilélér Nobel dina widang fisika dina taun 1933.[1]

Dina taun 1925, sabada anjeunna méré kuliah ngeunaan pagawéan de Brolie di Zurich ngarumuskeun sasaruaan gelombang pikeun gejala kuantum.[2] Éta sasaruaan téh jadi konci utama fisika modérn.[2] Parumusan ékivalén dina wangun matriks meunang ku Warner Heisenbeg nalika dina mangsa anu méh bareng.[2] Kalawan tatapakan matématis anu kuat ieu, tiori kuantum nyieun hiji kamajuan anu pohara luar biasana.[2] Dina waktu ani singget para élmuwan bisa ngajelaskeun sababaraha pangukuran kasup spéktrum tina atom komléks jeung sipat-sipat réaksi kimia.[2]

Sumber[édit | sunting sumber]

  1. a b c d e f g h (id)Erwin Schrodinger (diakses tanggal 11 November 2011)
  2. a b c d e (id)Erwin Scrodinger(diakses tanggal 11 November 2011)
Nulis.jpg