Hortensia

Ti Wikipédia, énsiklopédia bébas
Luncat ka: pituduh, sungsi
Hortensia
Hydrangea macrophylla
Klasifikasi ilmiah
Kingdom: Plantae
(unranked): Angiosperms
(unranked): Eudicots
(unranked): Asterids
Order: Cornales
Family: Hydrangeaceae
Genus: Hydrangea
L.

Horténsia (Hydrangéa), Kembang bokor nyaéta kembang nu asalna ti Jepang.[1] Biasa dipelak minangka pepelakan hias di buruan atawa di taman-taman.[1] Sipatna tutuwuuhan anu lila umurna, rupana ajeg, watangna kuat, warnana héjo sawaktu ngora, sarta jangkungna 0,5-1 m.[1] Daunna téh tunggal, gagangan, tempatna pahareup-hareup nyilang.[1] Lambaran daunna rubak sarta kandel, bentukna buleud endog, pangkal sarta tungtungna seukeut, tepi rérégéan, tulang daunna nyirip, warna hareupna héjo kolot, sarta bagian handap héjo kakonéng-konéngan.[1] Sipat kembangna majemu, kaluar ti tungtung gagang, nyieun runtuyan anu ngabudeur kalayan diameterna bisa ngahontal 20 cm, warnana bodas, beureum ngora, sarta baris jadi bulao.[1] Kira-kira 73 spesies: utamana di Asia, sawatara spesies di Asia Tenggara sarta Dunya Anyar; 33 spesies (25 endemik) di Cina. Spesies Hydrangea macrophylla Jepang (Thunberg) mindeng dibudidayakeun minangka pepelakan hias.[2]

Pamangfaatan[édit | sunting sumber]

Bagian pepelakan anu dipaké minangka ubar nyaéta hérba sarta akarna.[1] Bisa dipaké langsung atawa anu geus digaringkeun.[1] Indikasina Herba kembang bokor dipaké pikeun malaria, muriang, hariwang (ansietas), nyeri tikoro. Cara pamakéanna pikeun ubar anu diinum, paké 9-15 g herba anu dikulub.[1] Pikeun pamakéan luar, kumbah herba sacukupna, tuluy kulub.[1]

  • Malaria

Kulub herba kembang bokor sarta daun murbei (Morus alba L.) unggal 9 g jeung tilu gelas cai nepi ka cangkaruk hiji gelas. Sanggeus tiis, saring sarta inum dua jam saméméh lumangsung serangan malaria.[1]

  • Nyeri tikoro

Kumbah akar seger kembang bokor sacukupna, tuluy keureutan saperluna.[1] Tambahkeun cuka apel anu geus diéncérkeun sacukupna, giling nepi ka lemes, tuluy peres. Paké caina pikeun gugurah tikoro (gargle).[1]

Rujukan[édit | sunting sumber]

  1. a b c d e f g h i j k l m (id) [1] (Dicutat tanggal 12 Oktober 2011)
  2. (en)[2] (Dicutat tanggal 12 Oktober 2011)
Nulis.jpg