Ki Urat

Ti Wikipédia, énsiklopédia bébas basa Sunda
Luncat ka: pituduh, sungsi
Ki Urat
Klasifikasi ilmiah
Kingdom: Plantae
Division: Magnoliophyta
Class: Magnoliopsida
Order: Lamiales
Family: Plantaginaceae
Genus: Plantago
Species: P. major
Ngaran binomial
Plantago major
L.

Ki-urat, Ki Urat, atawa Ceuli Uncal (Plantago major) nyaéta hiji spésiés Plantago, kulawarga Plantaginaceae, pituin Éropa jeung Asia tengah jeung kalér[1][2][3], ngan di mana-mana geus dinaturasi, sahingga geus dianggap tutuwuhan liar biasa[4].

Ki Urat téh tutuwuhan terna taunan, ngarandakah kalawan diaméter 15-30 cm. Daunna lonyod, ukuran panjang 5-20 cm sarta lébar 4-9 cm, tapi kadang bisa nepi ka 30 cm panjang/17 cm lébar; urat daunna aya 5-9. Kembangna leutik, kelirna coklat semu héjo, kalawan benang sari kelir bungur[5][3].

Ki Urat kabagi kana tilu subspésiés:[2]

  • Plantago major subsp. major.
  • Plantago major subsp. intermedia (DC.) Arcang.
  • Plantago major subsp. winteri (Wirtg.) W.Ludw.

Ékologi[édit | sunting sumber]

Ki urat bisa tumuwuh sampurna dina taneuh anu padet/teuas, sahingga sok katempo liar di sisi jalan, trotoar, jeung sisi témbok. Sok komo ari di pakebonan mah, alatan penyerbukanana dibantuan ku angin[5].

Mangpaat[édit | sunting sumber]

Siki kiurat biasa kapanggih dina séréal, sabab di kebon-kebon ieu tutuwuhan téh ngagalaksak[4]. Di bawa ka Amérika Kalér nalika kolonisasi ku bangsa Éropa. Urang Amérika pituin nyebutna "Tapak Jalma Bulé", sabab aya di mana waé aya urang bulé[6].

Daun kiurat bisa didahar, utamana nu ngora, malah sok dipaké natambaan kasakit. Di antarana waé pikeun ngubaran tatu[7]. Kiurat dina basa Inggris, di antarana dipikawanoh maké sebutan Broadleaf Plantain, Broad-leaved Plantain, Cart Track Plant, Dooryard Plantain, Greater Plantago, Healing Blade, Hen Plant, Lambs Foot, Roadweed, Roundleaf Plantain, Waybread, Wayside Plantain, White Man's Foot[8].

Rujukan[édit | sunting sumber]

  1. Natural History Museum: Plantago major
  2. a b Flora Europaea: Plantago major
  3. a b Flora of Pakistan: Plantago major
  4. a b Germplasm Resources Information Network: Plantago major
  5. a b Blamey, M. & Grey-Wilson, C. (1989). Flora of Britain and Northern Europe. ISBN 0-340-40170-2
  6. Sauer, Leslie Jones (1998). The Once and Future Forest, 49, Island Press.
  7. D. Jackson & K. Bergeron Plantain Alternative Nature Online Herbal
  8. *Britton, Nathaniel Lord, Addison Brown (1913). An Illustrated Flora of the Northern United States and Canada, Volume 3, second edition, 245, Dover Publications, inc..


Nicotiana tabacum - Köhler–s Medizinal-Pflanzen-098.jpg